ახალი ამბები

პენტაგონმა ადმინისტრაციულ შვებულებაში გაუშვა თავდაცვის მდივნის 2 გავლენიანი თანაშემწე, დენ ქოლდველი და დარინ სელნიკი, მიზეზი - საიდუმლო ინფორმაციის მედიაში გაჟონვაა. 

State Of Play: ამის შესახებ საინფორმაციო სააგენტო Reuters საკუთარ წყაროებზე დაყრდნობით წერს. გამოცემის ინფორმაციით, მიმდინარე გამოძიების ფარგლებში პენტაგონის მაღალჩინოსნები შენობიდან პოლიციის თანხლებით გაიყვანეს. 

• საქმე ეხება შიდა უწყებრივ გამოძიებას, რომელიც გასულ მარტს დაიწყო და ინფორმაციის არაავტორიზებულ გაცემას ეხება. 
  
  
• ამერიკული მედიის ცნობით, სელნიკსა და ქოლდველს ბრალი ედებათ ჩინეთის შესახებ მომზადებული საიდუმლო დოკუმენტის ელონ მასკისთვის გაზიარება. New York Times-ის ცნობით, საუბარია ჩინეთთან ომის შემთხვევაში ამერიკის სამხედრო გეგმების შესახებ მომზადებულ დოკუმენტს.
  
  
• წყაროების ცნობით, ტრამპი გაბრაზებული იყო, როცა მომხდარის შესახებ გაიგო და შესაძლო ინტერესთა კონფლიქტზე მიუთითა - მასკს ჩინეთში მრავალმილიარდიანი ბიზნესი აქვს. 
  
  
• დარინ სელნიკი პენტაგონის აპარატის უფროსის თანამდებობას იკავებდა. 
  
  
• რაც შეეხება დენ ქოლდველს ის პიტ ჰეგსეთის უფროსი თანაშემწე და მისი გარემოცვის უახლოესი წევრია. ჰეგსეთის მსგავსად ქოლდველი ერაყის ომის ვეტერანია - ქოლდველი ერაყში ინტერვენციას კატასტროფულ დანაშაულად მიიჩნევს და სკეპტიკურად არის განწყობილი უკრაინის სამხედრო დახმარების მიმართ. 
  
  

Big Picture: სწორედ ქოლდველი გამოარჩია უწყების წარმომადგენლად Signal-ის აწ უკვე სკანდალურ ჩატში, რომელშიც შეცდომით Atlantic-ის მთავარი რედაქტორიც აღმოჩნდა. 

• ჩატში ტრამპის მაღალჩინოსნები იემენელ ჰუსიტების წინააღმდეგ საჰაერო დარტყმების გეგმებს განიხილავდნენ, დაუცველი საკომუნიკაციო არხში ვრცელდებოდა საიდუმლო ინფორმაციაც.