ახალი ამბები

აშშ-ის წარმომადგენელთა პალატამ რუსეთის წინააღმდეგ "ჯოჯოხეთური სანქციების" შესახებ კანონპროექტი დაამტკიცა.

კანონპროექტი აწგარდაცვლილ სენატორს, ლინდსი გრემს ეკუთვნის.

ვითარების არსი: გრემის მიერ ინიცირებულ კანონპროექტს მხარი 262 კონგრესმენმა დაუჭირა, წინააღმდეგი კი 159 იყო.

• დოკუმენტი ითვალისწინებს 100%-იანი ტარიფების დაწესებას რუსული ნავთობისა და გაზის უმსხვილესი მყიდველების, ასევე იმ ქვეყნების მიმართ, რომლებიც რუსეთს სანქციების გვერდის ავლაში ეხმარებიან.
• კანონპროექტის მიზანი, როგორც თავად დოკუმენტშია მითითებული, არის "ვლადიმირ პუტინისთვის უკრაინის წინააღმდეგ რუსეთის ომის დასაფინანსებლად შემოსავლების წართმევა".
• მანამდე კანონპროექტმა ხმათა აბსოლუტური უმრავლესობით (86 ხმა 11-ის წინააღმდეგ) აშშ-ის სენატის მხარდაჭერა მიიღო.
• ახლა დოკუმენტს ხელი პრეზიდენტმა დონალდ ტრამპმა უნდა მოაწეროს, რის შემდეგაც კანონი ძალაში შევა. შემდგომში აშშ-ის პრეზიდენტი ვალდებული იქნება სანქციები დააწესოს და მათი გადახედვა ყოველ ექვს თვეში ერთხელ განახორციელოს.

წინარე ისტორია: კანონპროექტი დიდი ხნის წინ დაიწერა და ოდნავ განსხვავებულად გამოიყურებოდა. "ჯოჯოხეთურ სანქციებს" რესპუბლიკელი სენატორი ლინდსი გრემი ლობირებდა, თუმცა კანონს მსვლელობა მხოლოდ ივლისის შუა რიცხვებში, მისი გარდაცვალების შემდეგ მისცეს.

• მასში დაამატეს ჩრდილოვანი ფლოტი, სანქციები ირანის წინააღმდეგ და რაც მთავარია - ტრამპის უფლება, დააწესოს შეღავათები და გამონაკლისები.
• დოკუმენტში ჩამოთვლილი თანამდებობის პირები და ორგანიზაციები - ვლადიმერ პუტინით დაწყებული, "სბერბანკით" დამთავრებული - დიდი ხანია ამერიკული სანქციების ქვეშ არიან, თუმცა ახლა ეს შეზღუდვები პრეზიდენტის განკარგულებებით კი არა, კანონით არის გამყარებული.
• ადრე ტრამპს შეეძლო სანქციები საბოლოოდ მოეხსნა, ახლა კი - მხოლოდ დროებით.