ახალი ამბები

ევროპული საბჭოს პრეზიდენტმა ანტონიუ კოშტამ კრემლთან დაკავშირება სცადა, რათა ვლადიმერ პუტინი უკრაინაში ომის დასრულების ვარიანტების განხილვაში ჩაერთო.

ამის შესახებ გამოცემა Bloomberg წყაროებზე დაყრდნობით წერს.

ვითარების არსი: როგორც მედია წერს, კოშტას მთავარმა მრჩეველმა ორჯერ გამართა სატელეფონო საუბარი პუტინთან დაახლოებულ რუს მაღალჩინოსანთან, რათა მომავალში უფრო არსებითი მოლაპარაკებებისთვის ნიადაგი მოემზადებინა.

• მიმდინარე წლის მაისში კოშტამ ისაუბრა იმის შესახებ, რომ "საჭიროა, შესაფერის მომენტში დაიწყოს რუსეთთან მოლაპარაკებები ჩვენი საერთო უსაფრთხოების საკითხების განსახილველად".
• კოშტას წარმომადგენელმა კომენტარის გაკეთებაზე უარი განაცხადა. 
• ასევე კომენტარისგან თავი შეიკავა კრემლის პრესსპიკერმა დმიტრი პესკოვმა.

კონტექსტი: 2022 წელს რუსეთის სრულმასშტაბიანი შეჭრის შემდეგ ევროკავშირსა და მოსკოვს შორის დიპლომატიური ურთიერთობები ფაქტობრივად გაწყვეტილია.

• მას შემდეგ, რაც გასულ წელს დონალდ ტრამპმა პუტინთან ომის შესაძლო დარეგულირების თაობაზე მოლაპარაკებები დაიწყო, ევროპელმა ლიდერებმა მოლაპარაკებების მაგიდასთან საკუთარი ადგილის მოპოვების აუცილებლობა იგრძნეს.

  
  

• კრემლთან არაფორმალური საკომუნიკაციო არხის დამყარების მცდელობის შესახებ ცნობილი გახდა პარიზში გამართული G7-ის სამიტის მიმდინარეობისას,

• სამიტის მონაწილე გერმანიის, საფრანგეთისა და დიდი ბრიტანეთის ლიდერები უკრაინის პრეზიდენტ ვოლოდიმირ ზელენსკისთან კოორდინაციით პუტინის სამშვიდობო მოლაპარაკებებში ჩართვის სტრატეგიას განიხილავენ.

• ევროპელი მაღალჩინოსნები მიიჩნევენ, რომ პუტინის მოლაპარაკებების მაგიდასთან დასმის შესაძლებლობა გაჩნდა ფრონტზე რუსული სამხედროების წინსვლის შენელების, რუსეთის ტერიტორიაზე უკრაინის დარტყმების გაზრდისა და რუსული ეკონომიკისთვის ომის ხარჯების ზრდის ფონზე.

• 
  

  გასულ კვირას დიდი ბრიტანეთის, საფრანგეთისა და გერმანიის ელჩები შეხვდნენ რუსეთის საგარეო საქმეთა მინისტრის მოადგილეს მიხაილ გალუზინს. შეხვედრაზე უკრაინის კონფლიქტის დიპლომატიური დარეგულირების გზები განიხილეს.