ახალი ამბები

უკრაინასთან ნაწილობრივი ზავის სანაცვლოდ ტრამპის ემისრები რუსეთს რუსეთის ცენტრალური ბანკის დაბლოკილი ფინანსური აქტივების განბლოკვას და ლუკოილის საზღვარგარეთ მდებარე სანქცირებული საკუთრებაზ,ე შეთანხმებას თავაზობდნენ. 

ვითარების არსი: ინფორმაციას ამის შესახებ საკუთარ წყაროებზე დაყრდნობით New York Times ავრცელებს - წყაროს ცნობით, ინიციატივა ჯარედ კუშნერმა და სტივ უიტკოფმა გასულ სექტემბერს, მოსკოვში ვლადიმირ პუტინთან გამართულ შეხვედრაზე გააჟღერეს. 

• წყაროს ცნობით, ამერიკელები ფიქრობდნენ, რომ ამგვარი ეკონომიკური სტიმულით ისინი შეძლებდნენ ვლადიმირ პუტინის დაყოლიებას ნაწილობრივ ზავზე - ენერგეტიკული ობიექტებზე, ან საზღვაო გადაზიდვებზე დარტყმების შესაჩერებლად. 
  

ჩაშლილად: გაზეთის წყაროს ცნობით, ამერიკელი პრეზიდენტის წარმომადგენლები საუბრობდნენ არამხოლოდ ამერიკაში, არამედ ევროპაში დაბლოკილი რუსული აქტივების განბლოკვაზეც. 

• საუბარი იყო 100 მილიარდ დოლარს, რომელიც განიბლოკებოდა წინმსწრებად - ეს უნდა ყოფილიყო სტიმული, რომ რუსეთი წასულიყო ნაწილობრივ ზავზე. 
  
  
• ასევე აქტიურად განიხილებოდა კომპანია ლუკოილის საზღვარგარეთ მდებარე, მრავალმილიარდიანი სანქცირებული აქტივების გაყიდვის საკითხიც, რომელთა შეძენის მსურველებს შორის ჯარედ კუშნერთან დაახლოებული ინვესტორთა ჯგუფიცაა. 
  

კონტექსტი: დაძაბულობის ახალი რაუნდი კიევსა და ვაშინგტონს შორის ტრამპის ადმინისტრაციის გუშინდელ გადაწყვეტილებას მოჰყვა, რომლის მიხედვითაც ამერიკა მომდევნო წლის 7 აპრილამდე გააუქმებს რუსული წარმოების დიზელის ექსპორტზე დაწესებულ სანქციებს.

• გადაწყვეტილების შესახებ ტრამპმა პუტინთან გამართული მორიგი სატელეფონო საუბრის შემდეგ გამოაცხადა, რომლის ფარგლებშიც რუსეთის პრეზიდენტს დაბადების დღეც მიულოცა.
  
  

• ამ ნაბიჯს "სუსტი" უწოდა და "ომში ჩადებულ ინვესტიციად" შეაფასა უკრაინის პრეზიდენტმა. ზელენსკის თქმით, ვაშინგტონსა და მოსკოვს შორის დადებული შეთანხმება უკიდურესად უსამართლოა.