ახალი ამბები

პოლონეთის პრეზიდენტი, კაროლ ნავროცკი დარწმუნებულია, რომ შეერთებული შტატები პოლონეთში მუდმივი სამხედრო ბაზის შექმნის გეგმას საბოლოოდ დაამტკიცებს და მას "ფორტ ტრამპი" დაერქმევა.

ამის შესახებ პრეზიდენტმა გამოცემა Bloomberg-თან ინტერვიუში განაცხადა. 

ვითარების არსი: ინტერვიუში ნავროცკიმ აღნიშნა, რომ ბაზის საკითხი "მხოლოდ დროის ამბავია". ვარშავას სურს, პროექტი დონალდ ტრამპის საპრეზიდენტო ვადის ამოწურვამდედასრულდეს.

• "მიმაჩნია, რომ ეს საქმე უდავოდ გადაწყვეტილია, რადგან პრეზიდენტი ტრამპი თავისი სიტყვის შესრულებით არის ცნობილი. ვფიქრობ, ის "ფორტ ტრამპის" ინაუგურაციაში პირადად მიიღებს მონაწილეობას", - განაცხადა მან.

დიდი სურათი: ევროპაში მზარდი შიშების ფონზე, რომ აშშ კონტინენტზე სამხედრო კონტინგენტის შემცირებას გეგმავს, პოლონეთი ცდილობს ამერიკული ძალების საკუთარ ტერიტორიაზე გარანტირებულად დატოვებას.

• თუ პენტაგონი გერმანიაში ჯარებს შეამცირებს, ნავროცკის თქმით, პოლონეთი (სადაც ახლა 10,000-მდე ამერიკელი ჯარისკაცია) მზადაა, მათი ნაწილი საკუთარ ტერიტორიაზე მიიღოს.

კონტექსტი: "ფორტ ტრამპის" შექმნის იდეა პირველად 2018 წელს გაჟღერდა. პროცესს განსაკუთრებული იმპულსი ტრამპისა და პოლონეთის ახლანდელი პრეზიდენტის, ნავროცკის მჭიდრო კავშირებმა შესძინა.

• პოლონეთის თავდაცვის მინისტრმა პენტაგონს მუდმივი ბაზის შექმნაზე ოფიციალური წინადადება 3 ივნისს გადასცა.

• სექტემბრის დასაწყისში ბაზის პოტენციური ლოკაციის შესარჩევად პოლონეთში ამერიკული დელეგაცია ჩავიდა.

• დონალდ ტრამპმა 17 სექტემბერს ოფიციალურად განაცხადა, რომ პოლონეთში ამერიკული ბაზის შექმნის კუთხით "მნიშვნელოვან პროგრესს" მიაღწიეს.