ახალი ამბები

ტექნოლოგიური გიგანტის, Nvidia-ს ხელმძღვანელი თვეების განმავლობაში რომანტიულ ურთიერთობაში იყო ჩინეთის სახელმწიფო უსაფრთხოების ჯაშუშთან. ჯენსენ ჰუანგმა კომპანიის დირექტორთა საბჭოს უკვე მიმართა ბოდიშის წერილით.

ვითარების არსი: ჩინეთის ჯაშუშთან ჰუანგის რომანის შესახებ ინფორმაცია ამერიკელი მაღალჩინოსნების ვიწრო წრემ მიმდინარე წლის გაზაფხულზე სადაზვერვო უწყებებისგან მიიღო.

• საუბარია Nvidia-ს ერთ-ერთი სინგაპურული პარტნიორი კომპანიის (Megaspeed) მენეჯერზე, ალის ჰუანგზე. წყვილის ფოტოები და ვიდეოები სოციალურ ქსელებში აქტიურად ვრცელდებოდა.

• ამერიკელმა მაღალჩინოსნებმა ამის შესახებ ჩინეთში დონალდ ტრამპის ვიზიტამდე ცოტა ხნით ადრე გაიგეს. ჯენსენ ჰუანგი ამერიკული დელეგაციის წევრი იყო.

ჩაშლილად: დელავერის შტატის დემოკრატმა სენატორმა კრის კუნსმა, რომელიც ახალ სენატში საგარეო საკითხთა კომიტეტს უხელმძღვანელებს, უკვე დააანონსა საგამოძიებო კომიტეტის შექმნა.

• კუნსის თქმით, კომიტეტი გამოიძიებს "ტრამპის ადმინისტრაციის არანორმალურ ურთიერთობებს ჩინეთის ჯაშუშებთან და ტექ-მილიარდერებთან".

• საყურადღებოა, რომ ამერიკის სახელმწიფო უწყებები თვეების განმავლობაში იძიებდნენ Megaspeed-ის საქმიანობას და კომპანიას ე.წ. ჩიპების აქტის დარღვევასა და ჩინეთისთვის მოწინავე ჩიპების მიწოდებაში ადანაშაულებდნენ.

• ჯენსენ ჰუანგი უკვე დაიბარეს კონგრესის ჩინეთისა და საგარეო საკითხთა კომიტეტების დახურულ სხდომაზე.

დიდი სურათი: ჯენსენ ჰუანგის მიმართ ამერიკის სახელმწიფო უწყებების ყურადღება კიდევ უფრო გაძლიერდა მას შემდეგ, რაც აშშ-სა და ჩინეთს შორის ხელოვნური ინტელექტის სფეროში კონკურენცია გამწვავდა. აშშ სულ უფრო მეტად შეშფოთებულია იმის შესაძლებლობით, რომ ჩინეთმა მიიღოს მოწინავე ჩიპები, რომლებიც მისი სამხედრო მოდერნიზაციის პროცესს დააჩქარებს.

• განსაკუთრებით იმის გათვალისწინებით, რომ ჰუანგი ერთ-ერთი იმ იშვიათი ადამიანთაგანი იყო, რომელიც ჩინეთისთვის დაწესებული შეზღუდვების მოხსნას ლობირებდა.

კონტექსტი: გასულ საათებში ჰუანგმა კომპანიის დირექტორთა საბჭოს ბოდიშის წერილით მიმართა.

• "მე ბოდიშის მოხდა მმართებს და ვიცი, რომ ჩადენილს ვერ გამოვასწორებ, მაგრამ ჩვენი ოჯახი დროთა განმავლობაში განიკურნება და შევძლებ ნდობის დაბრუნებას", - ნათქვამია წერილში.

• ჰუანგის წერილს წინ უძღოდა დირექტორთა საბჭოს განცხადება შიდა გამოძიების დაწყების შესახებ.

• სკანდალს უკვე გამოეხმაურა დონალდ ტრამპი და განაცხადა, რომ ჰუანგი თანამდებობიდან არ უნდა წავიდეს.

• Nvidia, დაახლოებით 4 ტრილიონი დოლარის საბაზრო კაპიტალიზაციით, მსოფლიოს უმსხვილესი კომპანიების სიის სათავეშია.