ახალი ამბები

12 ნოემბრის დილას, სანქტ-პეტერბურგში, სლავიანკას მიკრორაიონში, აფეთქდა ავტომობილი, რომელშიც სავარაუდოდ სამხედრო-საჰაერო ძალებისა და ჰაერსაწინააღმდეგო თავდაცვის მე-6 არმიის პოლკოვნიკი იმყოფებოდა. 

ვითარების არსი: აფეთქება დილის 7 საათისთვის, კოლპინოს გზატკეცილზე, მაღაზია "ლენტასა" და ბენზინგასამართ სადგურ "ტატნეფტთან" მოხდა.

• გამოცემა 78.ru-ს მონაცემებით, ასაფეთქებელი მოწყობილობა ავტომობილის ძირზე იყო დამაგრებული და დისტანციურად მაშინ აამოქმედეს, როდესაც პოლკოვნიკი ეზოდან გადიოდა. მანქანაში ის მარტო იმყოფებოდა.
• მედია "ფონტანკას" ინფორმაციით, აფეთქებამდე სამხედრომ დაახლოებით 300 მეტრის გავლა მოასწრო. აფეთქების ტალღამ ასევე ჩაამსხვრია იქვე მიმავალი სამგზავრო ავტობუსის მინები, რომელშიც 30-40 ადამიანი იმყოფებოდა. მგზავრებიდან არავინ დაშავებულა.
• ჟურნალისტების ინფორმაციით, ლობოდინი აფეთქების ადგილიდან დაახლოებით 420 მეტრში მდებარე სახლში ცხოვრობდა.

ჩაშლილად: ამასთან, უკრაინული არხი Supernova+ და ბლოგერი ანატოლი შარიი ასახელებდნენ კიდევ ერთ სავარაუდო დაღუპულს - მე-6 არმიის სარდლის მოადგილეს სამხედრო-პოლიტიკური მუშაობის დარგში, ანდრეი ხოდიკინს.

• "ფონტანკას" ინფორმაციით, ასაფეთქებელი მოწყობილობა ლენინგრადის ოლქში ბალტიის ქვეყნების მხრიდან საჰაერო ბუშტით გადაიტანეს.
• უცნობმა პირმა ის აიღო და სამალავში დატოვა, საიდანაც ბომბი მოგვიანებით ფსკოვის ოლქში დაბადებულმა, 31 წლის პეტერბურგელმა აიღო.
• გამოცემის წყაროს მტკიცებით, ღამის პირველი საათისთვის მამაკაცმა ასაფეთქებელი მოწყობილობა კოლპინოს გზატკეცილზე, "ლენტასთან" გაჩერებული ავტომობილის ძირზე დაამაგრა.
• უკვე 02:43 საათზე ის პულკოვოს აეროპორტიდან სტამბოლში გაფრინდა, სადაც 06:05 საათზე დაეშვა. „ფონტანკას“ ცნობით, აფეთქების მომენტისთვის ეჭვმიტანილი უკვე კიშინიოვისკენ მიემართებოდა.

წინარე ისტორია: მიმდინარე წლის აგვისტოს ბოლოს იმავე მიკრორაიონში, დღევანდელი აფეთქების ადგილიდან დაახლოებით ნახევარ კილომეტრში, მე-6 არმიის კიდევ ერთი ოფიცრის - ვიცე-პოლკოვნიკ სერგეი სეჩკოვის ავტომობილი ააფეთქეს.

• ის დაიღუპა, ხოლო მის გვერდით მყოფი მეუღლე გადარჩა. ასაფეთქებელი მოწყობილობა მაშინაც დისტანციურად აამოქმედეს.