პოლონეთმა ხელი მოაწერა შეთანხმებას შვედური წარმოების A26 ტიპის სამი წყალქვეშა ნავის შესყიდვაზე.
ვითარების არსი: კონტრაქტი, რომელიც პოლონეთის პრემიერ-მინისტრ დონალდ ტუსკისა და შვედეთის მთავრობის ხელმძღვანელის, ულფ კრისტერსონის თანდასწრებით გაფორმდა, ითვალისწინებს თანამედროვე წყალქვეშა ნავების მიწოდებას, ლოგისტიკურ მხარდაჭერასა და ინდუსტრიულ თანამშრომლობას.
- წყალქვეშა ნავები აღჭურვილი იქნება დიზელ-ელექტრონული ძრავითა და AIP სისტემით, რაც მათ საშუალებას მისცემს, დიდი ხნის განმავლობაში იმყოფებოდნენ წყალქვეშ ზედაპირზე ამოსვლის გარეშე;
- მათგან პირველი პოლონეთის სამხედრო-საზღვაო ძალების შემადგენლობაში 2030 წელს უნდა შევიდეს.
სტრიქონებს შორის: პოლონეთმა უნდა მიიღოს ბლეკინგეს (Blekinge) კლასის A26 ტიპის სამი წყალქვეშა ნავი, რომლებსაც შვედური კონცერნი Saab Kockums შვედეთის სამხედრო-საზღვაო ძალებისთვის აშენებს.
- გასული წლის ნოემბერში შვედეთი პროგრამა "ორკას" პარტნიორად შეირჩა და ორმა ქვეყანამ ხელი მოაწერა მთავრობათაშორის შეთანხმებას, რამაც გზა გაუხსნა პროექტის რეალიზაციას.
- წინასწარი შეფასებით, პროგრამის ღირებულება შესაძლოა დაახლოებით 20 მილიარდი ზლოტი (5 მილიარდ ევროზე მეტი - რედ.) იყოს.
- კონტრაქტი უნდა მოიცავდეს არა მხოლოდ წყალქვეშა ნავების მშენებლობასა და მიწოდებას, არამედ ლოგისტიკურ პაკეტს, ექსპლუატაციის მხარდაჭერას, პერსონალის მომზადებასა და იმ ინფრასტრუქტურის მომზადებას, რომელიც აუცილებელია მათი ექსპლუატაციაში გაშვებისთვის. პროგრამა ასევე ითვალისწინებს ინდუსტრიულ თანამშრომლობას პოლონეთსა და შვედეთს შორის.
დიდი სურათი: ამჟამად პოლონეთის სამხედრო-საზღვაო ძალების შემადგენლობაში მხოლოდ ერთი წყალქვეშა ნავია. ეს არის "კილოს" ტიპის ხომალდი, რომელიც წყალში 1985 წელს ჩაუშვეს. აპარატმა მოდერნიზაცია და კაპიტალური რემონტი გაიარა.
- 2020 წლიდან 2021 წლამდე პერიოდში ხომალდს სულ მცირე 10 რემონტი ჩაუტარდა, თუმცა მისი ამჟამინდელი მდგომარეობა უცნობია.
- 12 ივნისს პოლონეთის შეიარაღებულმა ძალებმა ოფიციალურად მიიღო შეიარაღებაში შეერთებული შტატებისგან შესყიდული გამანადგურებლები F-35.
დაკავშირებული თეგები
