რუსეთის მთავრობამ სახელმწიფო დუმაში შეიტანა კანონპროექტი, რომელიც ადმინისტრაციული ჯარიმების გაზრდას ითვალისწინებს.
ვითარების არსი: ახალი კანონპროექტი 29 ადმინისტრაციულ მუხლს, მათ შორის პოლიტიკური დევნის ძირითად მუხლებს შეეხება.
- პოლიტიკური დევნის ძირითადი მუხლებია "ექსტრემისტული" მასალების გავრცელება, ჯარის "დისკრედიტაცია" და მიტინგების ჩატარების წესების დარღვევა.
- განმარტებით ბარათში ცვლილებები დასაბუთებულია სასჯელის ადეკვატურობის უზრუნველყოფითა და არსებული ჯარიმების საზოგადოებრივი საშიშროების დონესთან შეუსაბამობით.
- მოქალაქეებისთვის "ექსტრემისტული" მასალების წარმოებისა და გავრცელებისთვის დაწესებული მინიმალური ჯარიმა ათასი რუბლიდან ორმოცდაათ ათას რუბლამდე გაიზრდება, ხოლო მაქსიმალური - სამი ათასიდან ას ათას რუბლამდე.
- თანამდებობის პირებისთვის აქამდე ჯარიმა 2000-დან 5000 რუბლამდე იყო, ახალი კანონით ჯარიმა 100 000-დან 200 000 რუბლამდე გაიზრდება.
- რიგ მუხლებისთვის ჯარიმები გაათმაგდება.
ჩაშლილად: პოლიტიკური მუხლების გარდა, კანონპროექტი ზრდის ჯარიმებს აკრძალულ ადგილებში თამბაქოს მოწევისთვის, სახანძრო უსაფრთხოების წესების დარღვევისთვის, ტრანსპორტზე დარღვევებისთვის, პასპორტისა და რეგისტრაციის გარეშე ცხოვრებისთვის, წვრილმანი ხულიგნობისა და საზოგადოებრივ ადგილებში ალკოჰოლის მოხმარებისთვის.
- ადვოკატმა ვალერია ვეტოშკინამ აღნიშნა, რომ ექსტრემისტული მასალების, ჯარის დისკრედიტაციისა და მიტინგების შესახებ მუხლები რუსეთში პოლიტიკური დევნის საფუძველს წარმოადგენს, ამასთან ჯარის დისკრედიტაციის შესახებ მუხლი 2025 წელს მსგავს პოლიტიკურ დევნებში ყველაზე ხშირი გახდა, ხოლო ჯარიმების გაზრდა იურიდიულად არანაირად არ არის დასაბუთებული და მიმართულია სამხედრო ბიუჯეტის შესავსებად.
კონტექსტი: რუსეთის სახელმწიფო დუმის არჩევნები 20 სექტემბერს დასრულდა. შედეგების მიხედვით საპარლამენტო უმრავლესობა ვლადიმირ პუტინის პარტია "ედიანაი როსიამ" მოიპოვა.
- არჩევნების დასრულებიდან 4 დღეში რუსეთის ხელისუფლებამ გადასახადები გაზარდა.
დაკავშირებული თეგები
