ახალი ამბები

2 ივნისს რუსეთმა უკრაინის რეგიონებზე მასშტაბური იერიში მიიტანა. ბოლო მონაცემებით დაიღუპა 10 და დაშავდა 100 ადამიანი.

დეტალები: საჰაერო თავდასხმა უკრაინაზე 21 საათის შემდეგ დაიწყო, ანუ პრაქტიკულად სტარობელსკის საკითხზე პუტინის თათბირის ვიდეოს გამოქვეყნებისთანავე, სადაც 21 ადამიანი დაიღუპა.

• რუსეთის ლიდერმა უკრაინის ხელისუფლება იმაში დაადანაშაულა, რომ მათ კონფლიქტისთვის "ახალი ხარისხის მინიჭება" გადაწყვიტეს. მანამდე ვოლოდიმირ ზელენსკი სამი დღის განმავლობაში აცხადებდა, რომ მოსკოვმა კიევზე ახალი მასირებული დარტყმა მოამზადა.
• უკრაინის საჰაერო თავდაცვის ძალების ანგარიშის თანახმად, ღამის განმავლობაში რუსმა სამხედროებმა უკრაინის რეგიონების მიმართულებით 73 რაკეტა და 656 დრონი გაუშვეს. მათგან 40 რაკეტა და 602 უპილოტო საფრენი აპარატი განადგურებულია.
• რუსეთის თავდაცვის სამინისტრომ წარადგინა ანგარიში "უკრაინის სამხედრო-სამრეწველო კომპლექსის საწარმოებზე მაღალი სიზუსტის იარაღით განხორციელებული დარტყმის" შესახებ, "კიევის რეჟიმის ტერორისტული აქტების საპასუხოდ".

იერიშის შედეგები: კიევში, ქალაქის მერის, ვიტალი კლიჩკოს განცხადებით, რაკეტის მოხვედრამ პოდოლსკის რაიონში ცხრასართულიანი სახლის ნაწილობრივი ჩამონგრევა გამოიწვია, გოლოსეევის რაიონში დაინგრა პოლიკლინიკის ორი სართული, ასევე ნამსხვრევების ჩამოვარდნამ ხანძარი გამოიწვია შევჩენკოს რაიონში მდებარე 24-სართულიან, სვიატოშინოს რაიონის ხუთსართულიან და სოლომენკის რაიონის 15-სართულიან სახლებში.

• დნიპროში დაინგრა ორსართულიანი შენობა და რამდენიმე ბინა ოთხსართულიან სახლში, - განაცხადა დნიპროპეტროვსკის საოლქო სახელმწიფო ადმინისტრაციის ხელმძღვანელმა, ალექსანდრ განჟამ.
• "ხარკოვში თავდასხმის დროს ერთი მრავალბინიანი და რამდენიმე კერძო სახლი დაზიანდა," - დაწერა ქალაქის მერმა, იგორ ტერეხოვმა.
• ნასროლი რაკეტებისა და გაშვებული უპილოტო საფრენი აპარატების რაოდენობით, ეს 14 მაისის შემდეგ რუსეთის ყველაზე მსხვილი იერიშია.