რუსეთსა და ბელარუსს 2027 წლის ჰოკეის მსოფლიო ჩემპიონატზე არ დაუშვებენ.
ვითარების არსი: ყინულის ჰოკეის საერთაშორისო ფედერაციის (IIHF) ვებგვერდზე გამოქვეყნებული ინფორმაციის თანახმად, ორგანიზაციის საბჭომ ხელახლა განიხილა რუსეთისა და ბელარუსის ჰოკეის ფედერაციების მიმართვები კაცთა და ქალთა, ასევე ახალგაზრდულ და იუნიორთა მსოფლიო ჩემპიონატებზე მათი გუნდების დაშვების შესახებ.
- თითოეული ჩემპიონატის საკითხი ცალ-ცალკე განიხილებოდა. შედეგად გადაწყდა, რომ რუსეთის ნაკრებს არ დაუშვებენ 2026-2027 წლების სეზონის ყველა ჩამოთვლილ შეჯიბრზე, გარდა ქალთა მსოფლიო ჩემპიონატისა, "უსაფრთხოების, საზოგადოებრივი წესრიგისა და სპორტული პატიოსნების შესახებ არსებული ეჭვების გამო."
- ქალთა ჩემპიონატთან დაკავშირებით საერთაშორისო ფედერაცია გადაწყვეტილებას 2026 წლის ნოემბერში მიიღებს.
სტრიქონებს შორის: IIHF-ის საბჭომ ბელარუსის ნაკრების შესახებ მიიღო გადაწყვეტილება, რომ არ დაუშვას კაცთა და ახალგაზრდულ მსოფლიო ჩემპიონატებზე "უსაფრთხოებისა და საზოგადოებრივი წესრიგის შესახებ არსებული ეჭვების გამო."
- სხვა შეჯიბრებებზე ბელარუსის დაშვების შესახებ ინფორმაცია IIHF-ის ვებგვერდზე ჯერჯერობით არ არის.
დიდი სურათი: კაცთა შორის მსოფლიო ჩემპიონატი ჰოკეიში გერმანიაში 2027 წლის 14-30 მაისს ჩატარდება.
- რუსეთისა და ბელარუსის ჰოკეის გუნდები საერთაშორისო შეჯიბრებებიდან 2022 წელს, უკრაინაში რუსეთის სრულმასშტაბიანი შეჭრის შემდეგ მოკვეთეს.
