ახალი ამბები

გერმანიის კანცლერმა ფრიდრიხ მერცმა მკვეთრად გააკრიტიკა ყოფილი კანცლერის, გერჰარდ შროდერის ვიზიტი რუსეთის პრეზიდენტ ვლადიმირ პუტინთან და მისი დაბადების დღის აღნიშვნა. ამ ინფორმაციას ntv ავრცელებს.

ვითრების არსი: მთავრობის პრესმდივნის მოადგილემ, შტეფენ მაიერმა განაცხადა, რომ მერცი ამ შეხვედრით ღრმად აღშფოთებულია.

• მისი თქმით, "მხოლოდ პუტინია" პასუხისმგებელი უკრაინაში ომზე, ხოლო მისი ბრძანებები ყოველდღიურად იწვევს "ენით აღუწერელ ტანჯვას, მსხვერპლს მშვიდობიან მოსახლეობაში, დაშორებულ ოჯახებს, ასევე დაღუპულებსა და დაჭრილებს."
• ამ ფონზე, კანცლერს "აბსოლუტურად ამორალურად" მიაჩნია ის, რომ შროდერი პუტინთან ერთად ზეიმობს.
• ამ ვიზიტის შესახებ წინასწარ ინფორმირებული არ ყოფილა არც საგარეო საქმეთა სამინისტრო, არც გერმანიის საელჩო უკრაინაში და არც შინაგან საქმეთა ფედერალური სამინისტრო.

სტრიქონებს შორის: მანამდე გერმანელმა პოლიტიკოსებმა მკაცრად გააკრიტიკეს გერმანიის ყოფილი კანცლერი გერჰარდ შროდერი რუსეთში ვიზიტის გამო.

• ბუნდესტაგის ვიცე-პრეზიდენტმა კატრინ გერინგ-ეკარდტმა შროდერის ვიზიტს მოსკოვში "სირცხვილი" და "ევროპის ღალატი" უწოდა.

• "სირცხვილი გერმანიისთვის. ევროპის ღალატი. დათვური სამსახური მშვიდობისთვის. მაგრამ, სამწუხაროდ, მისგან სხვა რამეს არც ველოდი," - დაწერა მწვანეთა პარტიის დეპუტატმა.

• ევროპარლამენტის თავდაცვის კომიტეტის თავმჯდომარემ, მარი-ანეს შტრაკ-ციმერმანმა ექს-კანცლერს "გერმანიის ყველაზე თავხედი პენსიონერი" უწოდა. მანაღნიშნა, რომ ყოფილი კანცლერი ჯანმრთელობის მდგომარეობის გამო საგამოძიებო კომისიების სხდომებზე არ ცხადდება, თუმცა, ამავდროულად, პოულობს ძალას რუსეთში გამგზავრებისთვის.

დიდი სურათი: კრემლში განაცხადეს, რომ რუსეთის პრეზიდენტმა ვლადიმირ პუტინმა თავისი 74-ე დაბადების დღე გერმანიის ყოფილი კანცლერთან, გერჰარდ შროდერთან ერთად აღნიშნა.

• 7 ოქტომბერს გერმანიის ყოფილი კანცლერი გერჰარდ შრპდერი მოსკოვში იმყოფებოდა და რუსეთში ჰიპერმარკეტების ქსელ Globus-ის ერთ-ერთ მაღაზიას ეწვია, სადაც თანამდებობა ახლახან დაიკავა.