ახალი ამბები

აშშ-ის პრეზიდენტმა დონალდ ტრამპმა გასულ კვირას ვოლოდიმირ ზელენსკისთან შეხვედრაზე უარი თქვა უკრაინისთვის Patriot-ის საჰაერო თავდაცვის სისტემებისთვის ასობით რაკეტის გადაცემაზე.

ვითარების არსი: Financial Times-ის ინფორმირებული წყაროების ცნობით, გასულ კვირას ოვალურ კაბინეტში ზელენსკისთან შეხვედრისას ტრამპმა უარი თქვა მის თხოვნაზე, ზამთრამდე Patriot-ის ასობით რაკეტის მიწოდების შესახებ.

• წყაროების თქმით, ტრამპმა ეს აშშ-ის მარაგებში რაკეტების დეფიციტით ახსნა და აღნიშნა, რომ ისინი ახლა ირანთან ომის ფარგლებში ახლო აღმოსავლეთში ამერიკული ობიექტებისა და რეგიონგში მოკავშირეების დასაცავად არის საჭირო.

სტრიქონებს შორის: ამასთან, თავდაცვის მდივანმა პიტ ჰეგსეთმა მედიაში Patriot-ისა და THAAD-ის სისტემების რაკეტების მარაგების შემცირების შესახებ გავრცელებული ცნობების შემდეგ, ამას ცრუ ინფორმაცია უწოდა და ჟურნალისტები "ფეიკების გავრცელებაში" დაადანაშაულა.

• CNN-ის ინფორმაციით, ირანის წინააღმდეგ კამპანიის განმავლობაში ამერიკელმა სამხედროებმა THAAD-ის სისტემების რაკეტების დაახლოებით 80% და Patriot-ების - დაახლოებით 65% დახარჯეს.

დიდი სურათი: 5 აგვისტოს ღამეს რუსულმა ჯარებმა უკრაინას 24 ბალისტიკური რაკეტით, ოთხი ხომალდსაწინააღმდეგო რაკეტით და სხვადასხვა ტიპის 115 უპილოტო საფრენი აპარატით შეუტიეს. საჰაერო თავდაცვის ძალებმა 98 დრონი გაანადგურეს.

• ამავდროულად, უკრაინის საჰაერო თავდაცვამ ვერც ერთი ბალისტიკური რაკეტის ჩამოგდება ვერ შეძლო.
• უკრაინის პრეზიდენტმა ვოლოდიმირ ზელენსკიმ განაცხადა, რომ კიევსა და კიევის ოლქზე რუსეთის მასშტაბური შეტევის შედეგად 17 ადამიანი დაიღუპა, 44 კი - დაშავდა. მან პარტნიორებს მოუწოდა, დააჩქარონ უკრაინისთვის ანტიბალისტიკური რაკეტების მიწოდება.

კონტექსტი: უკრაინის ხელისუფლება უკვე თვეებია საუბრობს, რომ Patriot-ის საჰერო თავდაცვის სისტემის რაკეტების დეფიციტზე.

• 29 ივლისს უკრაინის პრეზიდენტმა დონალდ ტრამპს Patriot-ის საჰაერო თავდაცვის სისტემებისთვის განკუთვნილი ანტიბალისტიკური რაკეტები სთხოვა, რათა ქვეყანამ უკრაინის ენერგოინფრასტრუქტურაზე რუსული იერიშების მოგერიება შეძლოს.
• ნატოს სამიტზე დონალდ ტრამპი უკრაინას დაპირდა, რომ Patriot-ის საჰაერო თავდაცვის სისტემების რაკეტების წარმოების ლიცენზიას გადასცემდა, თუმცა 31 ივლისს განაცხადა, რომ "დარწმუნებული არ არის," მისცემს თუ არა ვაშინგტონი უკრაინას Patriot-ის რაკეტების წარმოების ლიცენზიას.