ახალი ამბები

უკრაინამ ევროკავშირისგან თავდაცვის ხარჯებისთვის 3.9 მილიარდი ევრო მიიღო.

ინფორმაციას ამის შესახებ ევროკომისიის პრესსამსახურზე დაყრდნობით „ევროპეისკაია პრავდა“ ავრცელებს.

ვითარების არსი: სამშაბათს, 30 ივნისს, ევროკომისიამ უკრაინას 90-მილიარდიანი კრედიტის სამხედრო ნაწილიდან პირველი ტრანშის ნაწილი, 3.9 მილიარდი ევრო გადაურიცხა (დაგეგმილი 6 მილიარდიდან).

• ეს ფული სრულად მოხმარდება უკრაინული წარმოების უპილოტო საფრენი აპარატების შესყიდვას.

ჩაშლილად: გამოცემის თანახმად, თანხის ნაწილობრივი დაგვიანება გამოწვეულია იმით, რომ ევროკომისია ამ დრომდე დიდ ყურადღებას აქცევს დრონების მომწოდებელ კომპანიებსა და კონტრაქტებს.

• ეს შემოწმება უზრუნველყოფს, რომ ფინანსური დახმარება ზუსტად იმ მიზნობრიობით იხარჯებოდეს, რაზეც კომისია და წევრი ქვეყნებია შეთანხმებული.
• ევროკომისიაში აზუსტებენ, რომ დარჩენილი თანხა (6 მილიარდის) უახლოეს დღეებში, უკრაინის მოთხოვნის შესაბამისად ჩაირიცხება.

კონტექსტი: ევროკავშირის 90-მილიარდიანი სესხის პროგრამა გადანაწილებულია 2026 და 2027 წლებზე.

• აქედან 30 მილიარდი ევრო საბიუჯეტო დახმარებას ხმარდება, ხოლო 60 მილიარდი - სამხედრო მხარდაჭერას.
• მხოლოდ 2026 წელს, 60-მილიარდიანი სამხედრო პაკეტიდან 28.3 მილიარდი ევრო უკრაინის თავდაცვით-სამრეწველო პოტენციალის გასაძლიერებლად გამოიყოფა.
• 2026 წლის სამხედრო შესყიდვების პირველი გრაფიკი სულ 6 მილიარდ ევროს შეადგენს და ის მთლიანად უკრაინაშივე წარმოებულ დრონებზე დაიხარჯება.
• მომავალში დაფინანსება საბრძოლო მასალებზე, რაკეტებსა და ჰაერსაწინააღმდეგო თავდაცვის სისტემებზეც გავრცელდება.
• სულ რამდენიმე დღის წინ, 25 ივნისს, უკრაინამ 90-მილიარდიანი კრედიტის საბიუჯეტო ნაწილიდან პირველი ტრანში - 3.2 მილიარდი ევრო უკვე მიიღო.