ახალი ამბები

ვოლოდიმირ ზელენსკის თქმით, კრემლი უკრაინის სამოქალაქო ინფრასტრუქტურის წინააღმდეგ ინტენსიური საჰაერო დარტყმების კამპანიას გეგმავს და ვლადიმირ პუტინმა მანამდე არსებული ყველა შეზღუდვა მოხსნა.

ვითარების არსი: ამის შესახებ უკრაინელმა პრეზიდენტმა Financial Times-თან საუბარში განაცხადა - ინტერვიუ იმ სკოლის ბომბსაფარში შედგა, რომელიც ცოტა ხნით ადრე რუსეთის საჰაერო დარტყმის ობიექტი იყო.

• ზელენსკის თქმით, ბრძანება პუტინმა სექტემბრის მიწურულს გასცა.
• "წესები აღარ არსებობს", - თქვა უკრაინელმა ლიდერმა და დასძინა, რომ კრემლი უკრაინის უმსხვილესი ქალაქების (კიევი, ოდესა, ხარკივი) წინააღმდეგ ინტენსიური საჰაერო დარტყმების კამპანიას ამზადებს.

ჩაშლილად: უკრაინის საიდუმლო სამსახურებში საკუთარ წყაროებზე დაყრდნობით, FT ასევე წერს, რომ რუსეთი უკრაინის ატომური ელექტროსადგურების მწყობრიდან გამოყვანას გეგმავს.

• ცოტა ხნით ადრე მსგავსი შინაარსის ცნობები New York Times-მაც გაავრცელა.
• წყაროების ცნობით, რუსეთის სტრატეგიის ნაწილია ევროკავშირში უკრაინელ მიგრანტთა ნაკადის მკვეთრად გაზრდა.

კონტექსტი: "ეს არის კრემლის პასუხი უკრაინის მიერ რუსეთის ტერიტორიის სიღრმეში განხორციელებულ მტკივნეულ დარტყმებზე ნავთობგადამამუშავებელი საწარმოების, პორტებისა და საწყობების წინააღმდეგ. ამავდროულად, კიევი და სხვა უკრაინული ქალაქები ემზადებიან მძიმე ზამთრისთვის, საზენიტო რაკეტების დეფიციტის პირობებში", - ნათქვამია NYT-ის მასალაში.