ახალი ამბები

ჩინეთის სახელმწიფო პროპაგანდა ირწმუნება, რომ ქვეყნის ინტერესები არ დაზიანდება, თუ პეკინი შეერთებული შტატების მიერ ინიცირებულ მოლაპარაკებების პროცესში ჩაერთვება, რომელმაც სავაჭრო უთანხმოება უნდა მოაგვაროს. 

State Of Play: ეს ჩინეთის მხრიდან დონალდ ტრამპი მიერ ინიცირებულ სავაჭრო ომში პოზიციების შერბილებაზე მიუთითებს. გასულ დღეებში ცნობილი გახდა, რომ აშშ-ს მხრიდან დაწესებული უპრეცედენტოდ მაღალი ტარიფების ფონზე ჩინეთის ინდუსტრიული აქტივობის მაჩვენებლები 2023 წლის შემდეგ მინიმალურ დონემდე შემცირდა. 

• ჩინეთის პოზიციის ცვლილებას წინ უძღოდა ტრამპის ადმინისტრაციის შერბილებული მიდგომაც, რომელმაც თავდაპირველად პროდუქციის საკმაოდ ვრცელ ჩამონათვალზე გააუქმა ტარიფები. 
  
  
• ამერიკული მედიის ცნობით, თეთრ სახლში გამართულ შეხვედრაზე უმსხვილესმა ამერიკელმა რითეილერებმა Target, Wallmart, Amazon და სხვები პრეზიდენტი გააფრთხილეს, რომ ტარიფების პირობებში გარკვეულ ეტაპზე მათი თაროების დიდი ნაწილი დაცარიელდებოდა. 
  
  

Big Picture: 30 აპრილს ცნობილი გახდა, რომ ამერიკული ეკონომიკა მიმდინარე წლის პირველ კვარტალში 0.3%-ით შემცირდა. 

• სავაჭრო მოლაპარაკებებში პეკინის ჩართვას მიესალმა კომუნისტური პარტიის ხელმძღვანელობასთან აფილირებული მედია იუიან ტინტიანი - გამოქვეყნებულ მასალაში ნათქვამია, რომ გასული კვირების განმავლობაში ტრამპის ადმინისტრაციამ არაერთხელ სცადა პარტიის ხელმძღვანელობასთან დაკავშირება. 

Context: ამერიკული მედიის ცნობით, დონალდ ტრამპს სი ძინფინგთან პირდაპირი მოლაპარაკებების გამართვა სურს, თუმცა ჩინეთის საგარეო საქმეთა სამინისტროში მიაჩნიათ, რომ ლიდერების სატელეფონო საუბრებამდე ამერიკა გარკვეულ დათმობებზე უნდა წავიდეს. 

• თავის მხრივ ტრამპი ირწმუნება, რომ ჩინეთი რთულ ეკონომიკურ მდგომარეობაშია და პეკინი აქტიურად ცდილობს ამერიკასთან ახალ სავაჭრო შეთანხმებაზე სამუშაო პროცესის დაწყებას.