ახალი ამბები

პოლონეთის შეიარაღებული ძალების გენშტაბის უფროსი ქვეყანაში მომხდარ დივერსიულ აქტებს გამოეხმაურა და განაცხადა, რომ პოტენციურმა მოწინააღმდეგემ უკვე დაიწყო თავდასხმისთვის მზადება. 

ვითარების არსი: ამის შესახებ გენერალმა ვესლავ კუკულამ რადიოსადგურ Jedunka-სთან საუბარში განაცხადა, საიდანაც ამონარიდებს გამოცემა Rzecz Pospolita ავრცელებს. 

• ჟურნალისტმა კუკულას ჰკითხა რამდენად კორექტულია პენტაგონის ხელმძღვანელის, პიტ ჰეგსეთის განცხადება იმის შესახებ რომ მსოფლიოში 1939 წლის მსგავსი ვითარებააა. 
  
  
• "ეს კარგი შედარებაა, ყველაფერი იმაზეა დამოკიდებული შევძლებთ თუ არა მტრის შეკავებას"- განაცხადა გენერალმა. 

ჩაშლილად: მოგვიანებით კუკულას ჰკითხეს თუ რაზე მეტყველებს ქვეყანაში გახშირებული დივერსიული აქტები და კიბერთავდასხმები. 

• "მოწინააღდეგემ დაიწყო ომისთვის მზადება. ის პოლონეთში გარკვეული ვითარების შექმნას ცდილობს, ცდილობს ძირი გამოუთხაროს მოსახლეობის ნდობას მთავრობის, შეიარაღებული ძალებისა და პოლიციის მიმართ, შექმნას პოტენციური აგრესიისთვის ხელსაყრელი მდგომარეობა"-ამბობს გენერალი. 

დაეწიე ამბავს: გასულ 24 საათში პოლონეთში 2-ჯერ დააზიანეს ვარშავა-ლუბლინის სარკინიგზო მაგისტრალი, რომელიც უკრაინის სამხედრო დახმარების სქემის ცენტრალური ლოჯისტიკური კვანძია. 

• პრემიერმა ტუსკმა განაცხადა, რომ სარკინიგზო კვანძი დივერსიის შედეგად გამოვიდა მწყობრიდან - "ჩვენ აუცილებლად დავიჭერთ დამნაშავეებს"- განაცხადა ტუსკმა. 

კონტექსტი: ოქტომბერში პოლონეთის პოლიციამ დივერსიული აქტების მომზადების ბრალდებით 8 ადამიანი დააკავა, ეს არ ყოფილა პირველი მსგავსი შემთხვევა. 

• აგვისტოში ტუსკმა საჯაროდ დაადანაშაულა რუსეთი პოლონეთში მყოფი ბელარუსებისა და უკრაინელების რეკრუტირებაში, რომლებსაც დივერსიული აქტების ორგანიზებას ავალებენ.