ახალი ამბები

პენტაგონმა ამერიკის შეერთებული შტატების ეროვნული თავდაცვის ახალი სტრატეგია გამოაქვეყნა, რომლის ფოკუსში ეროვნული უსაფრთხოების ახალი დოკუმენტის მსგავსად შიდა გამოწვევებია. 

ვითარების არსი: თავდაცვის ახალი სტრატეგია ოთხი წელიწადში ერთხელ ქვეყნდება - 2026 წლის დოკუმენტი პენტაგონის ვებგვერდზე 23 იანვარს გამოქვეყნდა. 

• შიდა გამოწვევების გარდა, 34-გვერდიან დოკუმენტში საუბარია მოკავშირეებისთვის დახმარების შემცირებაზე. 
  
  
• რუსეთი დასახულია როგორც "მუდმივი, მაგრამ მართვადი საფრთხე ნატოს წევრი აღმოსავლეთ ევროპული სახელმწიფოებისთვის." 
  
  
• "ზედმეტად დიდი დროის განმავლობაში აშშ-ს მთავრობა უგულებელყოფდა ამერიკელების და მათი ინტერესების პრიორიტეტულობის იდეას, ან სულაც უარყოფდა მას"- ნათქვამია დოკუმენტში. 

დაეწიე ამბავს: 2022 წლის სტრატეგიაში მთავარ გამოწვევად დასახელებული იყო ჩინეთისგან მომავალი საფრთხე, ხოლო 2018 წელს "რევიზინიოსტული ქვეყნების (რუსეთი და ჩინეთი) მოქმედებები. 

• მაგრამ ამჯერად, პენტაგონი "ცივი ომის დასრულების შემდეგ მოქმედი ადმინისტრაციების გრანდიოზული სტრატეგიებისგან პრინციპულად განსხვავებულ მიდგომაზე" საუბრობს. 

ჩაშლილად: დოკუმენტში ხაგზასმულია, რომ ამერიკის მოკავშირეებმა თავის თავზე უნდა აიღონ მათი უსაფრთხოების უზრუნველყოფა, სანამ ამერიკა "უკომპრომისოდ დაიცავს თავის ინტერესებს დასავლეთ ნახევარსფეროში." 

• პენტაგონის ახალი სტრატეგია ხშირად იმეორებს და ეყრდნობა გასულ დეკემბერში გამოქვეყნებულ ეროვნული უსაფრთხოების ახალ სტრატეგიის სულისკვეთებას - მათ შორის ევროპის მწვავე კრიტიკის ნაწილშიც. 
  
  
• მწვავე კრიტიკის გარდა, საუბარია მოკავშირეების დახმარების შემცირების გადაწყვეტილებაზე, "რათა ისინი თვითონვე დადგნენ მყარად ფეხზე." 
• "ევროპასა და სხვა რეგიონებში ჩვენი მოკავშირეები შეასრულებენ მთავარ როლს იმ     საფრთხეებთან დაპირისპირებაში, რომელიც მათთვის უფრო სერიოზულია, ვიდრე   ჩვენთვის"- ნათქვამია დოკუმენტში. 

სტრიქონებს შორის: წინა წლებისგან განსხვავებით, დოკუმენტში საერთოდ არ არის ნახსენები ტაივანი, ხოლო ჩინეთი ამერიკის შემდეგ მსოფლიოს ყველაზე ძლიერ სახელმწიფოდაა მოხსენიებული. 

• ჩინეთს შეკავებას ტრამპის ადმინისტრაცია "არა კონფრონტაციის, არამედ ძალის მეშვეობით" გეგმავს. 

რუსეთი პენტაგონის შეფასებით, რუსეთი ახლო მომავალში "მუდმივ, მაგრამ მართვად" საფრთხედ დარჩება ნატოს წევრი აღმოსავლეთ ევროპული სახელმწიფოებისთვის. 

• სტრატეგიის ავტორების შეფასებით, რუსეთი მნიშვნელოვან ეკონომიკურ და დემოგრაფიულ სირთულეებს განიცდის, მაგრამ რჩება "ძლიერ სახელმწიფოდ, ძლიერი არმიითა, ძლიერი ინდუსტრიით და მსოფლიოს უმსხვილესი ბირთვული არსენალით."
  
  
• დოკუმენტში ნათქვამია, რომ პენტაგონი დაიცავს ამერიკას რუსეთისგან მომავალი საფრთისგან, მაგრამ "გააგრძელებს თავისი როლის კალიბრაციას ნატოს შიგნით."
  
  
• "მოსკოვს არ ძალუძს ევროპაში ჰეგემონობაზე პრეტენდენტობა"- ნათქვამია სტრატეგიაში და ამის მიზეზად ერთობლივად ევროპული ქვეყნების ეკონომიკასა და მოსახლეობის რაოდენობაში უპირატესობას ასახელებენ. 

ევროპა სტრატეგიის ავტორების შეფასებით, ევროპა მნიშვნელოვან რეგიონად რჩება, თუმცა უახლოეს მომავალში კონტინენტის წილი გლობალურ ეკონომიკაში შემცირდება. 

• "ჩვენ შევინარჩუნებთ ჩართულობას ევროპაში, მაგრამ ჩვენ მოგვეწევს და პრიორიტეტს მივცემთ შიდა უსაფრთხოების დაცვას და ჩინეთის შეკავებას." 
• უკრაინის ომთან დაკავშირებით ნათქვამია, რომ აქ მთავარი როლი ევროპამ უნდა შეასრულოს "ამერიკის კრიტიკულად მნიშვნელოვანი, მაგრამ შეზღუდული როლით."