ახალი ამბები

რუსეთის ფედერალური უსაფრთხოების სამსახურის მიერ მომზადებულ საიდუმლო დოკუმენტში ჩინეთი რუსეთის მტრების რიცხვშია დასახელებულია - ანგარიშის ავტორები მიუთითებენ ჩინეთის ტერიტორიულ პრეტენზიებზე რუსეთის მიმართ და შპიონაჟზე არქტიკაში. 

State Of Play: ინფორმაციას ამის შესახებ New York Times აღნიშნულ საიდუმლო დოკუმენტსზე დაყრდნობით ავრცელებს, რომელიც რედაქციამ მოიპოვა - დოკუმენტი არ არის დათარიღებული, მაგრამ მაღალი ალბათობით საუბარია 2023 წლის მიწურულს ან 2024 წლის დასაწყისზე. 

• FSB-ს კონტრდაზვერვის დეპარტამენტის მიერ მომზადებული 8-გვერდიანი საიდუმლო დოკუმენტი თავდაპირველად ჰაკერულმა ჯგუფმა Area Leaks-მა მოიპოვა
  
  
• New York Times-მა დოკუმენტი დასავლეთის 6 ქვეყნის დაზვერვის მაღალჩინოსნებს აჩვენა და წყაროებმა დაადასტურეს, რომ დოკუმენტი "ძალიან მაღალი ალბათობით" ავთენტურია - ზუსტი თარიღის არქონა კი სავარაუდოდ იმაზე მიუთითებს, რომ ეს დოკუმენტის საბოლოო სახე არ არის და უბრალოდ, შავი, სამუშაო ვერსია იყო. 

Break It Down: დოკუმენტიდან ირკვევა, რომ უკრაინაში სრულმასშტაბიანი შეჭრის დაწყებამდე 3 დღით ადრე FSB-მ კონტრდაზვერვის ახალი პროგრამა დაამტკიცა, სახელწოდებით "ანტანტა 4". 

• დამაბნეველი სათაურის მიუხედავად, რომელიც რუსეთისა და ჩინეთის მზარდ სიახლოვეზე მიუთითებს, პროგრამა სინამდვილეში ქვეყნის ტერიტორიაზე ჩინეთის სპეცსამსახურების საქმიანობის მაქსიმალურ შევიწროებას ითვალისწინებს. 
  
  
• დოკუმენტის მიხედვით, უკრაინაში შეჭრის დაწყების შემდეგ ჩინეთმა გააქტიურა კრემლთან დაახლოებული ექსპერტების, ჟურნალისტებისა და სხვადასხვა რანგის ჩინოვნიკების რეკრუტირება. 
  
  
• საიდუმლო ანგარიშის მიხედვით, რუსეთში მალევე დაიწყო ჩინეთის სამხედრო-სამრეწველო კომპლექსის მაღალჩინოსნებისა და მკვლევარების ვიზიტები, რომელთა მიზანიც ბრძოლის ველზე მიმდინარე ტექნოლოგიური ცვლილებების შესახებ მაქსიმალური ინფორმაციის შეგროვება იყო. 
  
  
• ჩინეთის განსაკუთრებული ინტერესის ობიექტი ავიაციაა - რუსული კონტრდაზვერვის შეფასებით, გასულ წლებში პეკინი აქტიურად ცდილობს რუსი მფრინავებისა და აეროჰიდროდინამიკის ექსპერტების რეკრუტირებას. 
  
  
• ჩინეთი ეძებს პროექტ ეკრანოპლანზე მომუშავე ექსპერტების პოვნას - ეკრანოპლანი საბჭოთა კავშირის პერიოდში შემუშავებული თვითმფრინავია, რომელსაც საჰაერო ბალიშის ტექნოლოგიაზე უნდა ემუშავა - პეკინი ეძებს შესაბამისი კვლევითი ინსტიტუტებისა და უწყებებს თანამშრომლებს, განსაკუთრებით ისეთებს, რომლებიც გარკვეულ ფინანსურ სირთულეებს განიცდიან. 

Big Picture: დოკუმენტში ცალკე თავი ეთმობა ჩინეთის ტერიტორიულ ამბიციებს რუსეთის მიმართ, განსაკუთრებით შორეული აღმოსავლეთის ოლქებში - ავტორების შეფასებით, პეკინმა შესაძლოა ისარგებლოს რუსეთის სისუსტით. 

• "პეკინი ეძებს ძველი ჩინელი ხალხების კვალს რუსეთის შორეულ აღმოსავლეთში - ამგვარად ისინი ცდილობენ ჩამოაყალიბონ საფუძველი ტერიტორიული პრეტენზიებისთვის"- ნათქვამია დოკუმენტში. 
  
  
• 2023 წელს ჩინეთის კარტოგრაფიულმა ბიურომ ქვეყნის განახლებული რუკა გამოაქვეყნა, რომელზეც ამჟამად რუსეთის შემადგენლობაში შემავალი რამდენიმე ოლქი ჩინეთს ეკუთვნის, ჩინური ანალოგებით არის შეცვლილი ქალაქების დასახალებები - საუბარია შორეული აღმოსავლეთის იმ ნაწილზე, რომელიც რუსეთის იმპერიამ ჩინეთს 19-ე საუკუნეში წაართვა. 
  
  
• ამავე ანგარიშში კონტრდაზვერვის სამსახურის საკუთარ თანამშრომლებს მოუწოდებს "ამხილონ" ჩინეთთან დაკავშირებული საქმიანობა როგორც ისტორიულ ფონდებში, ასევე მეცნიერებაშიც.
  
  
• ყურადღება ეთმობა ჩინეთის ამბიციებს ე.წ. რუსული არქიტიკისა და ჩრდილოეთ საზღვაო გზის რეგიონშიც - FSB შეწუხებულია პეკინის "რბილის ძალის" გავლენის ზრდით ცენტრალური აზიის ყოფილ საბჭოთა რესპუბლიკებში. 
  
  

Сontext: ექსპერტების შეფასებით 8-გვერდიანი დოკუმენტის მთავარი აქცენტი ჩინეთის მზარდი გავლენის მიმართ წუხილია - ამავდროულად დოკუმენტი უკრძალავს თანამშრომლებს ჩინეთის მოწინააღმდეგედ მოხსენიებას საჯარო გამოსვლებში. 

• დოკუმენტი მიუთითებს, რომ კრემლში იაზრებენ ჩინეთზე ცალმხრივი და ასიმეტრიული დამოკიდებულების ზრდის სტრატეგიულ საფრთხეს, თუმცა ფსონს მაინც პეკინთან ალიანსზე აკეთებენ.