ახალი ამბები

13 ნოემბერს უკრაინის პრეზიდენტმა, ვოლოდიმირ ზელენსკიმ, აამოქმედა ეროვნული უსაფრთხოებისა და თავდაცვის საბჭოს გადაწყვეტილება დაუწესდეს სანქციები ბიზნესმენებს ტიმურ მინდიჩს და ოლექსანდრ ცუკერმანს.

ვითარების არსი: პრეზიდენტის საიტზე გამოქვეყნებული საბუთის მიხედვით, მინდიჩს და ცუკერმანს, რომლებიც ისრაელის მოქალაქეები არიან, ეკრძალებათ უკრაინის ტერიტორიაზე შემოსვლა და საქმიანობა, მათ აქტივებსა და საკუთრებას 3 წლით ყადაღა დაედო. გარდა ამისა, ბიზნესმენებს ჩამოერთვათ ყველა სახელმწიფო ჯილდო.

• ბიზნესმენების სახელები მსხვილ კორუფციულ საქმეში ფიგურირებს.
  
  
• უკრაინის ეროვნული ანტიკორუფციული ბიუროს (НАБУ) გამოძიების თანახმად, ბიზნესმენებმა თაღლითური სქემის მეშვეობით, სახელმწიფოს საკუთრებაში არსებული ატომური ენერგიის კომპანია, "ენერგოატომი" 200 მილიარდი გრივნით დააზარალეს. 
  
  
• "15-თვიანი სამუშაო და აუდიოჩანაწერების ათასობით საათი. დოკუმენტირებული გვაქვს მაღალი დონის დამნაშავეთა ჯგუფის ქმედებები. ჯგუფის წევრებმა მსხვილი კორუფციული სქემა შეიმუშავეს, რომელის მეშვეობით სახელმწიფოს დაქვემდებარებაში მყოფ "ენერგოატომს" ძარცვავდნენ". - წერია НАБУ-ს განცხადებაში.

ჩაშლილად: "ენერგოატომის" სკანდალის ფონზე თანამდებობები დატოვეს იუსტიციისა და ენერგეტიკის მინისტრებმა.

• იუსტიციის მინისტრი ჰერმან ჰალუშენკო, რომელიც 2025 წლამდე ენერგეტიკის მინისტრის პოსტს იკავებდა, მთავრობამ თანამდებობიდან გაათავისუფლა. გადაყენებამდე ცოტა ხნით ადრე, НАБУ-ს წარმომადგენლებმა ჰალუშენკოს სახლი გაჩხრიკეს.
  
  
• ენერგეტიკის მინისტრი სვიტლანა ჰრინჩუკი თანამდებობიდან თავად გადადგა.
  
  
• 18 ნოემბერს უკრაინის უმაღლეს რადაში ჰალუშენკოს და ჰრინჩუკის თანამდებობიდან ოფიციალურად გათავისუფლების საკითხზე კენჭისყრა შედგება.

ინტრიგა: ტიმურ მინდიჩი წლების განმავლობაში ვოლოდიმირ ზელენსკის ახლო მეგობარი იყო. მათ ერთად დააფუძნეს სტუდია "Квартал-95".