ახალი ამბები

ევროკავშირი უკრაინისთვის 90 მილიარდი ევროს გამოყოფაზე შეთანხმდა, თუმცა საუბარია ერთობლივ კრედიტზე და არა რუსეთის ცენტრალური ბანკის გაყინული აქტივების გამოყენებით ე.წ. რეპარაციულ კრედიტზე, რაც სამიტამდე განიხილებოდა.

ვითარების არსი: ამგვარად გადაწყდა ბოლო თვეების ერთ-ერთი მთავარი პოლიტიკური ინტრიგა - ევროკავშირი უკრაინის დასაფინანსებლად რუსეთის გაყინულ აქტივების არ გამოიყენებს, ყოველ შემთხვევაში ჯერჯერობით. 

• წყაროების ცნობით, სამიტის მიმდინარეობისას ვერ გადაილახა რუსული აქტივების გამოყენებასთან დაკავშირებით სკეპტიკურად განწყობილი ქვეყნების, ძირითად ბელგიის წინააღმდეგობა. 
  
  
• ამგვარად ბლოკი უკრაინის დაფინანსების გასაგრძელებლად ევროკავშირის ერთობლივი ბიუჯეტით უზრუნველყოფილ სესხზე შეთანხმდა, რომელმაც უკრაინას მომდევნო 2 წლის განმავლობაში უნდა უზრუნველყოს. 

ჩაშლილად: სამიტის დასრულების შემდეგ ფრიდრიხ მერცმა განაცხადა, რომ ფული უკრაინის სამხედრო დახმარებასაც მოხმარდება. 

• "ჩვენ ავიღეთ ვალდებულება და ჩვენ ეს ვალდებულება შევასრულეთ"- განაცხადა ევროსაბჭოს პრეზიდენტმა ანტონიო კოშტამ. 
  
  
• ბლოკის ბიუჯეტით უზრუნველყოფილი კრედიტზე მსჯელობა მას შემდეგ დაიწყო, რაც რუსეთის გაყინული აქტივების გამოყენებაზე 4-საათიანი დისკუსია ჩიხში შევიდა. 
  
  
• ამგვარი კრედიტზე შეთანხმებას ბლოკის წევრი ყველა სახელმწიფოს თანხმობა ჭირდება, თუმცა ამის წინააღმდეგ წავიდა ჩეხეთი, სლოვაკეთი და უნგრეთი - გეგმის მიხედვით, ამ ქვეყნებისთვის გამონაკლისი დაუშვეს და მათ არ მოუწევთ ამ კრედიტის დაფარვა. 

სტრიქონებს შორის: ევროპის მიერ დამტკიცებული კრედიტი ზელენსკის აშშ-სთან მოლაპარაკებების გაგრძელების ბერკეტს აძლევს. დაფინანსების გარეშე უკრაინის პრეზიდენტი შესაძლოა იძულებული გამხდარიყო დაეთმო დონბასი.

• გარდა ამისა, კრედიტი მოლაპარაკებებში ევროპული მხარის როლს და გავლენას გაზრდის. 
  
  
• რაც შეეხება კრემლს, ერთის მხრივ რუსეთმა შეინარჩუნა გაყინული აქტივები, მეორეს მხრივ, მსხვილი სესხი უკრაინის გაძლიერებას ნიშნავს, რაც მოლაპარაკებების მაგიდასთან პუტინის პოზიციებს ასუსტებს.