ახალი ამბები

კოპენჰაგენში გამართულ სამიტზე ევროკავშირის ლიდერები ვერ შეთანხმდნენ სარეპარაციო კრედიტის მექანიზმე უკრაინისთვის, რომელიც გაყინული რუსული აქტივებით იქნებოდა უზრუნველყოფილი. 

ვითარების არსი: ინფორმაციას ამის შესახებ ვითარებაში გაცნობიერებულ წყაროებზე დაყრდნობით Financial Times ავრცელებს. 

• წყაროების ცნობით, საკითხის ამგვარი გადაწყვეტის მთავარი მოწინააღმდეგე კვლავ ბელგიის პრემიერ-მინისტრია, რომელიც ასეთი"ექსპროპრიაციის" კანონიერების საკითხი და რუსეთისგან მოსალოდნელი იურიდიული საჩივრების აფრთხობს.
  
  
• შესაძლო იურიდიული გართულებების გამო რეპარაციული კრედიტის წინააღმდეგია საფრანგეთი და ლუქსემბურგი. 

ჩაშლილად: საუბარია რუსეთის ცენტრალური ბანკის კუთვნილ 140 მილიარდ ევროზე, რომელიც ბელგიური კერძო დეპოზიტარის EuroClear-ის ანგარიშზე ინახება. 

• გასულ კვირებში გაჟღერებული ინიციატივის მიხედვით, გაყინული რუსული აქტივების უზრუნველყოფით უკრაინა იმავე მოცულობის კრედიტი უნდა მიიღოს. 
  
  
• წყაროების ცნობით, კოპენჰაგენში გამართულ სამიტზე ევროპელი ლიდერები შეთანხმდნენ ზოგადად გაყინული რუსული აქტივების უკრაინის დასახმარებლად გამოყენების პრინციპზე, თუმცა ხაზი გაუსვეს, რომ საჭიროა საკითხის დეტალურად შესწავლა და კომისიას წინ დიდი სამუშაო აქვს. 
  
  
• ბელგიის პრემიერ-მინისტრი, ბარტ დე ვევერი თანხმობის სანაცვლოდ პარტნიორებისგან პასუხისმგებლობის სრულად გაზიარებას და სამართლებრივი დაცვის გარანტიებს ითხოვს. 
  
  

კონტექსტი: აქედან გამომდინარე ნაკლებად სავარაუდოა, რომ აღნიშნული საკითხზე ევროკავშირის ლიდერების მომდევნო სამიტზე იმსჯელებენ. 

• წინა დღით, მსგავსი შინაარსის განცხადება გაავრცელა დიდმა შვიდეულმა, რომელშიც ნათქვამია, რომ კლუბის წევრი ქვეყნები კოორდინირებულად იმოქმედებენ გაყინული რუსული აქტივების გამოყენების საკითხზე. 
  
  

სიღრმისეულად: FT: ევროკავშირი აპირებს გაყინული რუსული აქტივების ნაწილი უკრაინას გადასცეს