რუსეთმა ავიაბაზებზე სტრატეგიული თვითმფრინავების დაზიანება აღიარა
რუსეთის თავდაცვის სამინისტრომ 5 დეკემბერს განაცხადა, რომ რუსეთის ორ აეროდრომს თავს უკრაინული დრონები დაესხნენ.
ოკუპანტი ქვეყნის სამხედრო ხელმძღვანელობა, მტკიცებულებების მოყვანის გარეშე, აცხადებს, რომ რიაზანის რეგიონში დიაგილევოს და სარატოვის რეგიონში ენგელსის სამხედრო აეროდრომებს საბჭოთა წარმოების რეაქტიული უპილოტო საფრენი აპარატები დაესხნენ თავს.
რუსეთის თავდაცვის სამინისტრო ასევე ამტკიცებს, რომ რუსეთის საჰაერო კოსმოსური ძალების საჰაერო თავდაცვამ "დაბალ სიმაღლეზე მფრინავი უკრაინული უპილოტო საფრენი აპარატები ჩამოაგდო" და "დრონების ნამსხვრევები" სავარაუდოდ აეროდრომებზე აფეთქდა, რის შედეგადაც ორი თვითმფრინავის კორპუსი "ოდნავ იყო დაზიანებული".
"აეროდრომზე მყოფი სამი რუსი ტექნიკური მოსამსახურე სასიკვდილოდ დაიჭრა. კიდევ ოთხი დაშავებული სამხედრო საავადმყოფოში გადაიყვანეს", - ნათქვამია განცხადებაში.
რუსეთის თავდაცვის სამინისტრომ ასევე პასუხისმგებლობა აიღო უკრაინის ენერგოსისტემაზე განხორციელებულ მასიურ თავდასხმაზე, რომელიც აეროდრომზე თავდასხმას მოჰყვა. ოკუპანტი სახელმწიფოს განცხადებით, თავს დაესხა, სავარაუდოდ, უკრაინულ "სამხედრო მართვისა და კონტროლის სისტემას და მასთან დაკავშირებულ თავდაცვით კომპლექსებს, საკომუნიკაციო ცენტრებს, ენერგეტიკასა და სამხედრო ნაწილებს."
უკრაინის შეიარაღებული ძალების და უკრაინის ხელისუფლების წარმომადგენლებს არ გაუკეთებიათ განცხადება რუსეთის სტრატეგიული საავიაციო აეროდრომების ინციდენტებში უკრაინის მონაწილეობის შესახებ.
.jpg)
