ახალი ამბები

რუსეთში განაცხადეს, რომ ალასკაზე დონალდ ტრამპისა და ვლადიმირ პუტინის შეხვედრის შედეგად მიღწეული დადებითი იმპულსი პრაქტიკულად ამოიწურა და ამაში ევროპა დაადანაშაულეს. 

ვითარების არსი: ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა. 

• "სამწუხაროდ გვიწევს კონსტრანტირება, რომ ანკორიჯის მძლავრი იმპულსი შეთანხმების სასარგებლოდ - ჩვენი მოწინააღმდეგების და ომის უკანასკნელ უკრაინელამდე გაგრძელების მომხრეების ძალისხმევით - პრაქტიკულად ამოწურულია"- ამბობს რიაბკოვი. 

ჩაშლილად: ლავროვის მოადგილე გამოეხმაურა შეერთებული შტატების მიერ უკრაინისთვის ტომაჰავკის ტიპის შორეული რაკეტების შესაძლო გადაცემას და განაცხადა, რომ ეს ხარისხობრივად შეცვლის ვითარებას. 

• "ამ სისტემების გამოყენება მხოლოდ ამერიკული სამხედრო პერსონალის უშუალო მონაწილეობით არის შესაძლებელი. ჩვენ მოვუწოდებთ ამერიკელ სამხედროებს ცივად, ჯანსაღად და პასუხისმგებლიანად მოეკიდონ მთელ სიტუაციას"- ამბობს რიაბკოვი. 
  
  
• ლავროვის მოადგილის თქმით, რუსეთმა ჯერ ვერ მიიღო პასუხი ვლადიმირ პუტინის შეთავაზებაზე, რომელიც სტრატეგიული შეიარაღებების შეზღუდვის შესახებ შეთანხმების გაგრძელებას ეხებოდა. 
  
  
• "ჩვენ მათ ხელი გავუწოდეთ, თუ მათთვის ეს უინტერესოა, ჩვენ ამის გარეშეც გავალთ ფონს"- განაცხადა რიაბკოვმა. 
  
  

კონტექსტი: ლავროვის მოადგილის თქმით, ამ დროისთვის რუსეთსა და ამერიკას შორის მოლაპარაკებები მხოლოდ პატიმრების გაცვლის საკითხზე მიმდინარეობს - "ახალი დიდი შეთანხმების მიმართულებით მოძრაობა შეჩერებულია." 

სიღრმისეულად: შემოტრიალება თუ გასვლა - როგორ გავიგოთ ტრამპის შეცვლილი რიტორიკა რუსეთის მიმართ