ახალი ამბები

უკრაინის ენერგეტიკის მინისტრი სვიტლანა ჰრინჩუკი თანამდებობიდან გადადგა.

ვითარების არსი: "დავწერე განცხადება გადადგომის შესახებ. ჩემი თვითმიზანი თანამდებობა არასდროს ყოფილა. მადლობას ვუხდი პრეზიდენტ ზელენსკის, მინისტრთა კაბინეტს და სახალხო დეპუტატებს, რომ სახელმწიფოს კეთილდღეობისთვის მუშაობის საშუალება მომცეს". - წერს ჰრინჩუკი სოციალურ ქსელში.

• ჰრინჩუკის გადადგომამდე ცოტა ხნით ადრე, უკრაინის პრეზიდენტმა, ვოლოდიმირ ზელენსკიმ განაცხადა, რომ ენერგეტიკის სფეროში მიმდინარე კორუფციის გამოძიების ფონზე, ენერგეტიკის და იუსტიციის მინისტრები უნდა გადადგნენ.

კონტექსტი: 10 ნოემბერს უკრაინის ეროვნულმა ანტიკორუფციულმა ბიურომ (НАБУ) ჩხრეკა ჩაატარა ჰალუშენკოს, ასევე ბიზნესმენისა და ვოლოდიმირ ზელენსკის დიდი ხნის მეგობრის, ტიმურ მინდიჩის სახლებში.

• НАБУ-ს გამოძიების თანახმად, მინდიჩმა და მისმა თანამზრახველებმა შავი ფულის სახით 200 მილიარდ გრივნამდე მიიღეს. თაღლითობაში ეჭვმიტანილები მსხვილ სახელმწიფო კომპანია "ენერგოატომის" კონტრაქტებით იპარავდნენ ფულს.
  
  
• "საქმე გვაქვს "ენერგოატომის" კონტრაგენტებისგან სისტემატიურად ფულის გამოძალვასთან. კერძოდ, კონტრაგენტებს "ენერგოატომისთვის" კონტრაქტების ღირებულების 10-15%-ის გადახდა უწევდათ.
  
  
• 12 ნოემბრის დილას ცნობილი გახდა, რომ მთავრობამ თანამდებობიდან გაათავისუფლა იუსტიციის მინისტრი ჰერმან ჰალუშენკო, რომელიც 2025 წლამდე ენერგეტიკის მინისტრის თანამდებობას იკავებდა.
  
  
• გარდა ამისა, 12 ნოემბერს დააკავეს უკრაინის ენერგეტიკის მინისტრის მრჩეველი იჰორ მირონიუკი.