ახალი ამბები

ირანული მედია ისრაელის "პრევენციული" დარტყმების შედეგად ისლამური რევოლუციის გუშაგთა კორპუსის მეთაურის შესაძლო სიკვდილზე წერს - ვრცელდება ცნობები, გენშტაბის უფროსის, სხვა მაღალი რანგის სამხედრო მეთაურებისა და ქვეყნის წამყვანი ფიზიკოსების სიკვილდზეც. 

State Of Play: საუბარია როგორც ირანის სახელმწიფო საინფორმაციო უწყებებზე, ასევე უშუალოდ ისლამური რევოლუციის გუშაგთა კორპუსთან დაკავშირებულ მედიებზეც. 

• გუშაგთა კორპუსის და არმიის მეთაურების წინააღმდეგ განხორციელებულ დარტყმებს ადასტურებენ წყაროები ისრაელის არმიაში და ამბობენ, რომ გამხსნელი დარტყმის შედეგად ირანმა დანაკარგი განიცადა. 
  
  
• ირანის სახელმწიფო მედიების ცნობით, ისრაელის დარტყმის შედეგად მოკლულია რამდენიმე წამყვანი ფიზიკოსი, მათ შორის ფერეიდუნ აბასი-დავანი და მოჰამედ მეჰდი თეჰრანჩი. 
  
  
• ჰოსეინ სალამი ისლამური რევოლუციის გუშაგთა კორპუსის მეთაურად უმაღლესმა სულიერმა ლიდერმა, ალი ხამინეიმ 2019 წელს დანიშნა. 
  
  

Big Picture: ახლო აღმოსავლეთში Axios-ის კორესპონდენტის, ბარაკ რავიდის ცნობით, საჰაერო დარტყმების გარდა ირანში განხორციელდა მოსადის ფარული ოპერაციებიც. 

• "საუბარია ოპერაციებზე ირანის საჰაერო თავდაცვის სისტემებისა და სარაკეტო ობიექტების წინააღმდეგ"- წერს რავიდი. 
  
  
• "თუ ოპერაცია წარმატებული იყო, ჩვენ 10 წუთში ირანს მივაყენეთ იმხელა დარტყმა რამხელად ჰეზბოლას 10-დღეში"- ამბობს Times of Israel-თან საუბარში ისრაელის არმიის მაღალჩინოსანი. 
  
  

Break it Down: ისრაელის თავდაცვის სამინისტროს მიერ გავრცელებულ განცხადებაში ნათქვამია, რომ ეს იყო "პრევენციული დარტყმა" - საგანგებო მდგომარეობა გამოცხადდა ისრაელში. 

• წყაროს ცნობით, ირანის ბირთვული ობიექტების განადგურებას რამდენიმე დღე დასჭირდება და მოსალოდნელია, რომ ირანი სარაკეტო და დრონების შეტევით უპასუხებს. 
  
  
• ისრაელი ირანის ბირთვულ ობიექტებზე დარტყმების განსახორციელებლად ბოლო თვეებში აქტიურად ემზადებოდა, თუმცა ნეთანიაჰუს მთავრობაში ამბობდნენ, რომ დაელოდებოდნენ შეერთებულ შტატებთან მიმდინარე მოლაპარაპაკებების შედეგებს. 
  
  
• ისრაელის არმიაში გამოცემის წყაროების ცნობით, გასულ კვირებში დაზვერვამ აღმოაჩინა ირანის ბირთვული პროგრამის დაჩქარების ნიშნები, ამასთანავე დაზვერვამ პრაქტიკულად სრულად დაკარგა წვდომა პროგრამის განვითარებაზე. 
  
  

Сontext: "გაიხსნა სტრატეგიული შესაძლობლობების ფანჯარა, ჩვენ ახლოს ვართ არდაბრუნების წერტილთან და ჩვენ არ გვქონდა არჩევანი, მოქმედების გარდა"- ამბობს IDF-ს მაღალჩინოსანი. 

• ისრაელის საჰაერო დარტყმებს წინ უძღოდა საკმაოდ ინტენსიური დიპლომატიური პროცესი, რომლის მიზანიც ახალი ბირთვული შეთანხმების მიღწევა იყო. 
  
  
• შეერთებული შტატებისა და ირანის მოლაპარაკებების მეექვსე რაუნდი 15 ივნისს ომანში უნდა გამართულიყო - უცნობია რჩება თუ არა ძალაში შეთანხმება ახალი გარემოებების გათვალისწინებით. 
  
  

Go Deeper:  საჰაერო დარტყმების დაწყებამდე რამდენიმე საათით ადრე დონალდ ტრამპმა განაცხადა, რომ ამერიკა არ მიიღებდა მონაწილეობას ოპერაციაში თუ ასეთი დაიწყებოდა და საწინააღმდეგო აზრი გამოთქვა. 

• ამერიკელი პრეზიდენტი გამოთქვამდა იმედს, რომ ირანთან ახალი ბირთვული შეთანხმების მიღწევა ჯერ კიდევ შესაძლებელია. 
  
  
• პარალელურად გრძელდება რეგიონის ქვეყნებიდან ამერიკის საელჩოებისა და სამხედრო მოსამსახურეების ოჯახის წევრების ევაკუაცია.
  
  
• ესკალაციის მოლოდინში პენტაგონმა რეგიონში განთვასებულ ობიექტებზე საჰაერო თავდაცვა გააძლიერა - იმ შემთხვევაში კი ისრაელი არ მიიტანს შეტევას ირანის ბირთვულ ობიექტებზე მოსალოდნელია, რომ ამერიკული ობიექტები თეირანის სამიზნეში მაინც მოხვდება.