ახალი ამბები

დონალდ ტრამპმა თავის სოციალურ ქსელში ხელოვნური ინტელექტის (AI) მიერ გენერირებული რასისტული ვიდეო გააზიარა, რომელშიც ბარაკ და მიშელ ობამები მაიმუნებად არიან წარმოდგენილნი.

ვითარების არსი: ობამების სახის გამოსახულება მოკლე ვიდეოს მიწურულს სულ რამდენიმე წამით ჩნდება - ისინი მიწეპებულია მაიმუნების ტანზე, რის შემდეგაც იწყება ცნობილი სიმღერა მულტიპლიკაციური ფილმიდან "მეფე ლომი" - The Lion Sleeps Tonight.

• პოსტმა, რომელიც შავკანიანების მაიმუნებთან შედარების ტრადიციულ რასისტულ ელემენტს შეიცავს, უკვე გამოიწვია მოქმედი მაღალი რანგის პოლიტიკოსების აღშფოთება.

მეორე მხარე: ტრამპის პრესსპიკერმა, კეროლაინ ლიუიტმა, უარყოფით გამოხმაურებებს "ყალბი აღშფოთების კამპანია" უწოდა.

• "ეს ინტერნეტმიმის ფორმაა, რომელშიც პრეზიდენტი ტრამპი გამოსახულია, როგორც ჯუნგლების მეფე, ხოლო დემოკრატი პოლიტიკოსები - 'მეფე ლომის' სხვა პერსონაჟები. გთხოვთ, შეწყვიტოთ ყალბი აღშფოთება და გააშუქოთ მოვლენები, რომლებიც მართლაც მნიშვნელოვანია ამერიკელი ხალხისთვის", - განაცხადა ლიუიტმა.

ჩაშლილად: ბარაკ და მიშელ ობამებს საკითხთან დაკავშირებით ოფიციალური კომენტარი ჯერ არ გაუვრცელებიათ.

• ტრამპის ქცევა რასისტულად შეაფასა და დაგმო კალიფორნიის გუბერნატორმა, გევინ ნიუსომმა.