ახალი ამბები

შიდა დისკუსიებისა და ახლო რეგიონულ პარტნიორებთან მიმდინარე კონსულტაციების გამო დონალდ ტრამპმა გადადო საბოლოო გადაწყვეტილებაზე ირანის წინააღმდეგ სამხედრო მოქმედებებთან დაკავშირებით. 

ვითარების არსი: ინფორმაციას ამის შესახებ გამოცემა Axios თავის წყაროებზე დაყრდნობით ავრცელებს - წყაროების ცნობით, დისკუსია მიმდინარეობს იმის შესახებ თუ რამდენად დროული იქნება ასეთი ნაბიჯი და იქნება თუ არა ეს საკმარისი ხამენეის რეჟიმის საფუძვლიანი დესტაბილიზაციისთვის. 

• ირანის წინააღმდეგ სამხედრო დარტყმების შესახებ გარკვეული ასპექტები წამოჭრმა ისრაელის მთავრობამ - წყაროს ცნობით, 14 იანვარს გამართულ სატელეფონო საუბარში ბიბი ნეთანიაჰუმ ტრამპს სთხოვა მეტი დრო მიეცა ირანის მხრიდან მოსალოდნელი საპასუხო ზომებისთვის მოსამზადებლად. 
  
  
• ამასთანავე, ნეთანიაჰუს მთავრობაში მიაჩნიათ, რომ აშშ-ს მიერ განხილული სამხედრო მოქმედებების ოფციები არ იქნება საკმარისი ისლამური რეჟიმის საფუძვლიანი დესტაბილიზაციისთვის. 

დაეწიე ამბავს: ტრამპმა ღიად დაუჭირა მხარი ირანში მიმდინარე საპროტესტო აქციებს და მათ დახმარებასაც დაჰპირდება და მკვლელობის გაგრძელების შემთხვევაში ირანის რეჟიმის წარმომადგენლებს მძიმე შედეგებით დაემუქრა. 

• ირანში კვლავ გათიშულია ინტერნეტი და სატელეფონო კავშირი, ზუსტი მონაცემები საპროტესტო აქციებზე მოკლულთა რაოდენობის შესახებ არ არსებობს, თუმცა არსებული მონაცემებით 2 ათასს აღემატება. 
  
  
• 14 იანვარს დონალდ ტრამპმა განაცხადა, რომ მისი ინფორმაციით ირანში მკვლელობები შეჩერებულია, თუმცა კვლავ არ გამორიცხა სამხედრო მოქმედებები. 
  
  
• მომდევნო დღეს Fox News-თან ინტერვიუში ირანის საგარეო საქმეთა მინისტრმა, აბას არაგჩიმ განაცხადა, რომ აქციებზე დაკავებულების ჩამოხრჩობა არ იგეგმება. 
  
  
• Axios-ის ერთ-ერთი არაბული წყაროს ცნობით, ამერიკელი ამჟამად "ვითარების გადაფასებას" ცდილობენ. 
  
  
• მოჩვენებით დე-ესკალაციის ამერიკის საჰაერო დარტყმების მოლოდინში ირანმა რამდენიმეჯერ დახურა ქვეყნის საჰაერო სივრცე. 

სტრიქონებს შორის: კომენტატორების შეფასებით, თეთრი სახლიდან მომდინარე გზავნილები გათვლილია ირანის რეჟიმის მაქსიმალური დეზორიენტაციისთვის, როგორც ეს გასულ ზაფხულს ბირთვულ ობიექტებზე შეტევამდე ხდებოდა. 

• წყაროების ცნობით, გადაწყვეტილებას ირანის საკითხზე თეთრი სახლის მაღალჩინოსანთა უკიდურესად ვიწრო ჯგუფი იღებს. 
  
  
• "პრეზიდენტი არ გამორიცხავს არცერთ ოფციას, არც ახლა და არც მომავალში. მისი კუთხეში მოქცევის მცდლელობები უშედეგოა"- ამბობს Axios-ის ერთ-ერთი წყარო. 
  
  
• მსგავსი კომენტარი გაავრცელა თეთრი სახლის პრესსპიკერმა კეროლაინ ლიუიტმა, რომლის თქმითაც "ყველა ვარიანტი განიხილება." 

ჩაშლილად: ირანის საკითხზე შემდგომი ნაბიჯებზე პოზიციის ჩამოსაყალიბებლად 13 იანვარს ტრამპი ეროვნული უსაფრთხოების გუნდის მაღალჩინოსნებს შეხვდა. 

• ვითარებაში გაცნობიერებული წყაროების ცნობით, შეხვედრა კონკრეტული გადაწყვეტილების გარეშე დასრულდა. 
  
  
• "ჩვენ ისე გავიგეთ, რომ ტრამპმა საბოლოო გადაწყვეტილების მისაღებად მეტი დრო ითხოვა"- ამბობს გამოცემასთან საუბარში ერთ-ერთი წყარო. 

კულისებს მიღმა: წყაროების ცნობით, ირანთან დაკავშირებულ საკითხებზე შეერთებულ შტატებსა და ისრაელს შორის მჭიდრო კონსულტაციები მიმდინარეობს. 

• მათი ცნობით, ბიბი ნეთანიაჰუ გასული 2 კვირის განმავლობაში მაქსიმალურ სიფრთხილეს იჩენდა, რათა არ შექმნილიყო განცდა, რომ ის ტრამპს ირანის წინააღმდეგ სამხედრო მოქმედებების წინააღმდეგ უბიძგებს. 
  
  
• "ისრაელის გზავნილი იყო, რომ ჩვენ გამოგყვებით გადაწყვეტილებაში, მაგრამ ჩვენ არ ვითხოვთ სამხედრო მოქმედებებს. ბიბის არ უთქვამს ტრამპისთვის, რომ ირანისთვის არ შეეტია და არც ის, რომ დარტყმები განეხორციელებინა"- ამბობს წყარო. 

დიდი სურათი: პარალელურად აშშ აგრძელებს ირანის მახლობლად მდებარე სამხედრო ბაზებიდან ევაკუაციას - ცოტა ხნის წინ ცნობილი გახდა, რომ რეგიონისკენ მიემართება Abraham Lincoln-ის საავიამზიდო დაჯგუფება. 

• პარალელურად 15 იანვარს სახელმწიფო დეპარტამენტმა სანქციებმა დაუწესა ეროვნული უსაფრთხოების უმაღლესი საბჭოს თავმჯდომარესა და ალი ხამენეის უახლოესი გარემოცვის წევრს, ალი ლარიჯანის. 
  
  
• სანქციები ქვეშ მოყვნენ ისლამური რევოლუციის გუშაგთა კორპუსის სხვადასხვა ქვედანაყოფის მეთაურებიც. 

კონტექსტი: თეთრი სახლის მაღალჩინოსნები ხაზს უსვამენ, რომ სამხედრო მოქმედებების სცენარი კვლავ განიხილება, თუმცა ტრამპი შესაძლოა ღია იყო დიპლომატიისთვისაც. 

• "ირანის რეჟიმის საბოლოოდ დაემხობა, თუ კი უმაღლესი სასულიერო ლიდერი ტრამპთან პირდაპირი მოლაპარაკებების დაწყებას არ დათანხმდება. ტრამპს სჯერა, რომ ირანში სხვა არცერთ თანამდებობის პირს არ აქვს შესაბამისი გავლენა სერიოზული მოლაპარაკებების დასაწყებად"- ამბობს წყარო.