ახალი ამბები

პრემიერ-მინისტრ ჯორჯა მელონის მთავრობამ ისრაელთან თავდაცვის სფეროში თანამშრომლობის შეთანხმება შეაჩერა.

ვითარების არსი: ინფორმაციას იტალიის პრემიერ-მინისტრი ჯორჯა მელონი ადასტურებს: "მიმდინარე სიტუაციიდან გამომდინარე მთავრობამ ისრაელთან თანამშრომლობის შეჩერების გადაწყვეტილება მიიღო".

წინარე ისტორია: ორ ქვეყანას შორის ურთიერთობა ლიბანში მომხდარი ინციდენტის შემდეგ დაიძაბა.

• ოფიციალური რომის თქმით, ისრაელმა გამაფრთხილებელი ცეცხლი გაუხსნა გაეროს მისიით მყოფი იტალიელი სამშვიდობო ჯარისკაცების კოლონას. 
  
  
• ინციდენტის შედეგად დაზიანდა ერთი სამხედრო მანქანა, არავინ დაშავებულა.
  
  
• თანამშრომლობის გაწყვეტამდე, იტალიამ ისრაელის ელჩი დაიბარა.
  
  
• საპასუხოდ ისრაელმა იტალიის ელჩი დაიბარა და იტალიის საგარეო საქმეთა მინისტრის, ანტონიო ტაიანის ნათქვამის განმარტება მოსთხოვა.
  
  
• ტაიანიმ, რომელიც 13 აპრილამდე ბეირუთში იმყოფებოდა, განაცხადა, რომ ლიბანში ისრაელი მშვიდობიან მოსახლეობას ბომბავს.

კონტექსტი: ისრაელსა და იტალიას შორის სამხედრო თანამშრომლობის შეთანხმება 2006 წელს დაიდო. შეთანხმების გახანგრძლივება 5 წელში ერთხელ ხდება. 

• თანამშრომლობის შეთანხმების ფარგლებში ქვეყნები სამხედრო ტექნიკას, საბრძოლო გამოცდილებას, სფეროში სამეცნიერო და სამშენებლო კვლევების შედეგებს ცვლიდნენ.