ახალი ამბები

უკრაინაში უმსხვილესი კორუფციული გამოძიება მიმდინარეობს. ე.წ. "ენერგოატომის" საქმემ ქვეყნის ბოლო წლების ისტორიაში ერთ-ერთი ყველაზე მსხვილი პოლიტიკური კრიზისი გამოიწვია.

კორუფციული სკანდალი აქტიურად აიტაცა რუსულმა პროპაგანდამ, თუმცა, როგორც გამოცემა Агентство წერს, რომ 2025 წელს რუსეთში გამოავლინეს ათობით თაღლითობისა და კორუფციის საქმე, რომელმაც რუსული სახელმწიფო 10-ჯერ მეტად დააზარალა, ვიდრე უკრაინა "ენერგოატომმა".

ვითარების არსი: უკრაინის ეროვნულმა ანტიკორუფციულმა ბიურომ 15-თვიანი გამოძიების შედეგად გამოავლინა თაღლითური სქემა, რომლის ავტორებმა სახელმწიფოს საკუთრებაში არსებული ბირთვული ენერგეტიკის კომპანია "ენერგოატომს" დაახლოებით $100 მილიონი მოჰპარეს. 

• 2025 წელს რუსეთში 20-მდე მსხვილი კორუფციული საქმის შესახებ გახდა ცნობილი. საერთო ზარალმა კი $1.1 მილიარდზე მეტი შეადგინა.

ჩაშლილად: რუსეთში 2025 წელს გამოძიებული მსხვილი კორუფციული სქემები, რომელთა ორგანიზატორებმა რუსეთი ფინანსურად ისევე დააზარალა, როგორც "ენერგოატომის" საქმემ:

• "ბაშნეფტის" საქმე, რომელშიც ყოფილი სენატორის, ვიქტორ ხოროშავცევის სახელი ფიგურირებდა. გამოძიების მიხედვით, სახელმწიფო კომპანიამ 9 მილიარდი რუბლი ($115 მილიონი) ზარალა ნახა.
  
  
• რუსეთის რკინიგზის (РЖД) ადმინისტრაციის საქმე - 2025 წლის აპრილში ეკატერინბურგის სასამართლომ დაადგინა, რომ РЖД-ს ვიცეპრეზიდენტმა, სალმან ბაბაევმა, მისმა მრჩეველმა ალექსეი ტაიჩერმა და ადმინისტრაციის სხვა წევრებმა 8.6 მილიარდი რუბლი ($110 მილიონი) მიიტაცეს.
  
  
• რუსეთის გენერალური შტაბის მეთაურის ყოფილი მოადგილის, ხალილ არსლანოვის საქმე. სამხედრო მაღალჩინოსანი ხელმძღვანელობდა თაღლითურ სქემას, რომელიც რუსეთის თავდაცვის სამინისტროს 8.3 მილიარდი რუბლი ($106 მილიონი) დაუჯდა.
  
  
• ატომური წყალქვეშა ნავების სარემონტო ქარხანა "ზვეზდას" ხელმძღვანელობამ სახელმწიფო 7 მილიარდი რუბლით ($90 მილიონი) დააზარალა.

სტრიქონებს შორის: მსხვილი კორუფციული სკანდალი უკრაინაში მიმდინარე წლის ნოემბერში დაიწყო. ამ დროისთვის თანამდებობი დატოვეს იუსტიციისა და ენერგეტიკის მინისტრებმა. ვოლოდიმირ ზელენსკის თანაგუნდელი და ძველი მეგობარი ტიმურ მინდიჩი ქვეყნიდან გაიქცა. გარდა ამისა, "საკუთარი ნებით" თანამდებობიდან გადადგა, ზელენსკის გარემოცვის ერთ-ერთი ყველაზე ძველი წევრი, უკრაინის პრეზიდენტი ადმინისტრაციის ხელმძღვანელი, ანდრი ერმაკი, რომელიც პოსტს 2020 წლიდან იკავებდა.

• ქვეყანამ გამოიწვია სერიოზული პოლიტიკური კრიზისი და რეპუტაცია შეულახა უკრაინის მთავრობას.
  
  
• რაც შეეხება რუსეთს, რამდენიმე პირის ძებნილად გამოცხადებისა და დაპატიმრებების სერიების მიუხედავად, უმსხვილესმა კორუფციულმა საქმეებმა პოლიტიკურ სისტემაში ცვლილებები არ გამოიწვია.