ახალი ამბები

1 თებერვლიდან, ევროკავშირი რუსულ ნავთობზე ფასის ზედა ზღვარს 47.6-დან 44.1 დოლარამდე ამცირებს ბარელზე. რუსული ნავთობის ფასის ზედა ზღვარზე შესაბამისი გადაწყვეტილება 14 იანვარს მიიღეს, რაც დასტურდება ევროკავშირის ოფიციალურ ჟურნალში გამოქვეყნებული პუბლიკაციით.

ვითარების არსი: ევროკავშირმა და დიდი შვიდეულის (G7) ქვეყნებმა რუსულ ნავთობზე ფასის შეზღუდვა უკრაინის წინააღმდეგ რუსეთის მიერ დაწყებული ომის საპასუხოდ დააწესეს.

• ამ ზომის მიღების მიზანი რუსეთის ბიუჯეტის შემოსავლების ისე შემცირება იყო, რომ ამავდროულად არ დაწყებულიყო კრიზისი ენერგომატარებლების ბაზარზე.
• თავდაპირველად ფასის ზედა ზღვარი ბარელზე 60 დოლარზე იყო დადგენილი. 2025 წლის სექტემბერში ის 47.6 დოლარამდე შემცირდა.

ჩაშლილად: რუსეთი საკანონმდებლო დონეზე კრძალავს ნავთობის მიწოდებას ევროკავშირის მიერ დადგენილი ზღვრული ფასით.

• 2025 წლის დეკემბრის შუა რიცხვებში, პრეზიდენტის ბრძანებულებით, აღნიშნული აკრძალვის მოქმედება 2026 წლის 30 ივნისამდე გახანგრძლივდა.

დიდი სურათი: ევროკავშირი გეგმავს, რომ 2027 წლის ბოლომდე სრულად თქვას უარი რუსული ნავთობის იმპორტზე. ამ დროისთვის კი ევროკავშირში მისი ძირითადი მყიდველები უნგრეთი და სლოვაკეთი არიან.

• "კომერსანტი" Argus-ის მონაცემებზე დაყრდნობით წერს, რომ 2025 წლის დეკემბერში რუსული Urals-ის მარკის ნავთობის საშუალო ფასმა ბარელზე 35.6 დოლარი შეადგინა.