ახალი ამბები

უკრაინის საგარეო საქმეთა მინისტრმა დმიტრო კულებამ განაცხადა, რომ უკრაინისთვის იარაღის მიწოდება სხვადასხვა ქვეყნიდან სხვადასხვა არხებით ახლა საკმაოდ სტაბილურია, მაგრამ ეს რაოდენობა საკმარისი არ არის. ამის შესახებ მან Forbes-თან ინტერვიუში განაცხადა, რომელიც 18 ივლისს გამოქვეყნდა.

ჟურნალისტებმა აღნიშნეს, რომ ათამდე HIMARS-ის მიწოდებამაც კი მნიშვნელოვნად შეცვალა ვითარება ფრონტზე და ჰკითხეს, უკრაინას ასეთი მაღალეფექტური იარაღის რა რაოდენობით მიღების იმედი შეიძლება ჰქონდეს.

"იარაღის მიწოდება ძალიან დელიკატური პროცესია. უბრალოდ გეტყვით: HIMARS, ზალპური ცეცხლის რეაქტიული დანადგარები სხვა ქვეყნებიდან, ჰაუბიცები, ტანკები - ყველაფრის გადმოცემა გრძელდება და კიდევ იქნება. ეს მხოლოდ დროის საკითხია... სინამდვილეში სხვადასხვა ქვეყნებიდან იარაღის სხვადასხვა არხებით მოწოდება საკმაოდ სტაბილურია, მაგრამ რაოდენობრივად არადამაკმაყოფილებელი. კონკრეტულად არ ვიტყვი, რადგან რისკის ქვეშ დავაყენებამ პროცესს," - განაცხადა კულებამ.

მისი თქმით, უკრაინის ამოცანაა პროცესების დაჩქარება: პოლიტიკური გადაწყვეტილებების მიღებიდან ლოგისტიკური პრობლემების გადაწყვეტამდე.

"მოწოდების მთავარი პრობლემა არის განრიგი, მაგალითად, ჩემი ბოლო საუბარი კოლეგებთან იარაღის მომწოდებელი ქვეყნებიდან. მე ვახმოვანებ იმას, რაც საჭიროა, ერთხელ, შემდეგ კი რამდენჯერმე სხვადასხვა ტონით, სხვადასხვა მომენტში, რომ სიგნალი მიიღონ და დაფიქსირდეს, ვამბობ: "ეს საჭიროა ამა თუ იმ თარიღამდე". მერე სხვა რამეზე ვისაუბრებთ. მოგვიანებით კი კიდევ ერთხელ ვამბობ: "სხვათა შორის, კიდევ ერთხელ მინდა განვმარტო: ის, რაც გითხარით, აუცილებელია ამა თუ იმ თარიღამდე", - განაცხადა მინისტრმა.

მისი თქმით, ამ გზით ერთ საუბარში სამი-ოთხჯერ უწევს ხალხისთვის შეხსენება, რადგან მიწოდების დრო ახლა მთავარი პრობლემაა.

"ჩვენ რომ დროულად მიგვეღო 155 მმ კალიბრის არტილერია, მეტი ზალპური ცეცხლის რეაქტიული სისტემა, მაშინ ლისიჩანსკი და სევეროდონეცკი დარჩებოდა უკრაინის კონტროლის ქვეშ. მაგრამ ყველაფერს დრო სჭირდება - ასე მუშაობს სისტემა", - განმარტა კულებამ.

6 ივლისს უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა განაცხადა, რომ უკრაინამ უკვე მიიღო ცხრა HIMARS და მისი მსგავსი დანადგარები შეერთებული შტატებისა და მოკავშირეებისგან. 9 ივლისს აშშ-ს პრეზიდენტმა ჯო ბაიდენმა უკრაინისთვის 400 მილიონი დოლარის სამხედრო დახმარების კიდევ ერთ პაკეტზე განაცხადა, რომელიც კიდევ ოთხ HIMARS-ის სისტემას მოიცავს.