ახალი ამბები

ისრაელის ენერგეტიკის მინისტრის, ელი კოენის და მისი კოლეგების - შეერთებული შტატების, საბერძნეთისა და კვიპროსის მინისტრების მონაწილეობით ხუთშაბათს, ათენში ჩატარებულ სამიტზე, მონაწილე სახელმწიფოებმა აიღეს რუსეთის ენერგორესურსების ჩანაცვლების ვალდებულება.

ვითარების არსი: კოენმა, აშშ-ის ენერგეტიკული დომინირების ეროვნული საბჭოს თანათავმჯდომარეებთან ერთად, დაადასტურა "აღმოსავლეთ ხმელთაშუაზღვისპირეთში ენერგეტიკული უსაფრთხოებისა და თანამშრომლობის" საერთო ვალდებულება.

• სამიტის დასასრულს, მინისტრებმა რუსეთი დაგმეს და პირობა დადეს, რომ ხელს შეუწყობენ "რეგიონული ენერგეტიკული წყაროების დივერსიფიკაციას მტრულ აქტორებზე დამოკიდებულების შესამცირებლად, რეგიონულ პარტნიორებს შორის კავშირების გაღრმავებით."
• მათ განაცხადეს, რომ "გმობენ რუსეთის მცდელობებს, თავი აარიდოს ნავთობის სანქციებს და დააფინანსოს უკრაინაში მიმდინარე ომი."

ჩაშლილად: კოენმა ათენის სამიტზე აშშ-ის, საბერძნეთის და კვიპროსის ენერგეტიკის მინისტრებთან ერთად გადაღებული ფოტო გამოაქვეყნა.

• მხარეებმა ასევე რეგიონული ენერგეტიკული კავიშირების უფრო ფართო ინიციატივებისადმი მხარდაჭერა დაადასტურეს, მათ შორის ინდოეთი-ახლო აღმოსავლეთი-ევროპის ეკონომიკური კორიდორის (IMEC), ენერგეტიკული განვითარებისა და ენერგეტიკული ინფრასტრუქტურის ერთობლივი დაცვისადმი.
• მათ აიღეს ევროპასა და ისრაელს შორის ენერგეტიკული ინფრასტრუქტურის საკითხებში თანამშრომლობის ვალდებულება.
• ფორუმი გეგმავს 2026 წლის მეორე კვარტალში ვაშინგტონში შეკრებას, რათა "კიდევ უფრო განამტკიცოს ენერგეტიკული თანამშრომლობა, მათ შორის, 3+1 აღმოსავლეთ ხმელთაშუაზღვისპირეთის ენერგეტიკული დიალოგის ფარგლებში."

დიდი სურათი: გარდა ამისა, მინისტრებმა განიხილეს ინფრასტრუქტურული და ენერგეტიკული გზის შექმნა, რომელიც გვერდს აუვლის ჰუსიტების მიერ კონტროლირებად სამხრეთ კორიდორსა და ირანულ-რუსულ ჩრდილოეთ ღერძს.

• მათ ასევე ისაუბრეს ისრაელის გაზის ექსპორტის შეთანხმებაზე კვიპროსში, რაც პირველად გახდის შესაძლებელს ისრაელის ბუნებრივი აირის ევროპაში ექსპორტს.
• "ჩვენ ვაფართოებთ თანამშრომლობას ჩვენს მოკავშირესთან, შეერთებულ შტატებთან და რეგიონულ სახელმწიფოებთან, ვამყარებთ ისრაელის, როგორც რეგიონული ენერგეტიკული ძალის სტატუსს, ვაქცევთ მას ხიდად აღმოსავლეთსა და დასავლეთს, ევროპასა და ყურის სახელმწიფოებს შორის. მე ვაპირებ გავაგრძელო ენერგეტიკული სექტორის გამოყენება პოლიტიკური ინტერესების წინსვლის ინსტრუმენტად და დარწმუნებული ვარ, რომ ეს ისტორიული სამიტი ხელს შეუწყობს მეტ სტაბილურობას და კეთილდღეობას ახლო აღმოსავლეთში." - აღნიშნა ისრაელის ენერგეტიკის მინისტრმა ელი კოენმა.
• სამიტს ასევე ესწრებოდნენ აშშ-ის ენერგეტიკის მდივანი კრის რაიტი, აშშ-ის შინაგან საქმეთა მდივანი დაგ ბერგამი, საბერძნეთის ენერგეტიკის მინისტრი სტავროს პაპასტავრუ და კვიპროსის ენერგეტიკის მინისტრი ჯორჯ პაპანასტასიუ.

კონტექსტი: მოსალოდნელია, რომ ახალი სავაჭრო მარშრუტი შეამცირებს ევროპის დამოკიდებულებას რუსულ ენერგორესურსებზე და საშუალებას მისცემს შეერთებულ შტატებსა და ყურის სახელმწიფოებს, გახდნენ ევროპის მთავარი ენერგომომწოდებლები.

• ოფიციალურმა პირებმა განაცხადეს, რომ ეს ნაბიჯი ასევე ხელს შეუწყობს ენერგეტიკული ხარჯების შემცირებას.
• მათ აღნიშნეს, რომ ინდოეთი-ახლო აღმოსავლეთი-ევროპის ეკონომიკური კორიდორი, რომელიც აბრაამის შეთანხმებების გაფართოების ცენტრალური ელემენტია, "ისრაელს უმნიშვნელოვანეს სახელმწიფოდ აქცევს აღმოსავლეთსა და დასავლეთს შორის და გააძლიერებს ისრაელის დიპლომატიურ პოზიციას რეგიონში."