ახალი ამბები

უახლოეს დღეებში უკრაინელი, ევროპელი და ამერიკელი მაღალჩინოსნები ქვეყნის უსაფრთხოების გარანტიების პაკეტზე დეტალურ მუშაობას დაიწყებენ - პროცესს მარკო რუბიო უხელმძღვანელებს. 

State Of Play: ინფორმაციას ამის შესახებ გამოცემა Axios ავრცელებს - დელეგაციების პრიორიტეტი უკრაინისთვის ჩრდილო-ატლანტიკური ხელშეკრულების მეხუთე მუხლის მსგავსი გარანტიების შემუშავება იქნება. 

• წყაროების ცნობით, უკვე შემუშავებულია ამერიკულ-ევროპული კომისია, რომელმაც კონკრეტული წინადადებები უნდა შეიმუშავოს. 
  
  
• კომისიას სახელმწიფო მდივანი, მარკო რუბიო უხელმძღვანელებს, ხოლო უკრაინა და ევროპული სახელმწიფოები ეროვნული უსაფრთხოების საკითხებში მრჩევლებით იქნებიან წარმოდგენილები. 
  
  
• "მომდევნო დღეებში, მზის ამოსვლიდან დაღამებამდე ყველა ჩვენგანი უსაფრთხოების გარანტიებზე იმუშავებს, შესაძლოა უკვე კვირის ბოლოს მკაფიო არქიტექტურა მივიღოთ"- ამბობს გამოცემასთან საუბარში ერთ-ერთი წყარო. 
  
  

Big Picture:  უკრაინის უსაფრთხოების გარანტიები ვაშინგტონში გამართული მრავალმხირივი შეხვედრის მთავარი თემა გახდა - გასულ დღეებში ამერიკელმა პრეზიდენტმა პირველად გამოთქვა საჯარო მზაობა ჩართოს ქვეყანა უკრაინის უსაფრთხოების უზრუნველყოფის პროცესში. 

• ამასთანავე ამერიკელმა პრეზიდენტმა გამორიცხა ამერიკული ჯარების გაგზავნა და მიანიშნა, რომ შეერთებული შტატების ჩართულობა მისიის საჰაერო და ლოჯისტიკური მხარდაჭერით იქნება შემოფარგლული. 
  
  

Context: Bloomberg-ის ცნობით, რუსეთთან სამშვიდობო შეთანხმების შემთხვევაში უკრაინაში სამშვიდობო დანაყოფების გაგზავნისთვის ათამდე ქვეყანაა მზად, მათ შორის არიან: საფრანგეთი, დიდი ბრიტანეთი, თურქეთი, გერმანია.

• დონალდ ტრამპისა და მისი ადმინისტრაციის მაღალჩინოსნების თქმით, უკრაინისთვის ნატოს მეხუთე მუხლის მსგავს უსაფრთხოების გარანტიებს ვლადიმირ პუტინი ალასკაში გამართული შეხვედრის დროს დათანმხდა. 
  
  
  

Zoom In: ანკორიჯში გამართულ პრესკონფერენციაზე პუტინმა მართლაც განაცხადა, რომ პრინიციპულად ეთანხმება უკრაინის უსაფრთხოების უზრუნველყოფის საჭიროებას, თუმცა წყაროების ცნობით, პუტინი ამ კონტექსტში ჩინეთის მონაწილეობაზე საუბრობდა. 

• რუსი მაღალჩინოსნები, მათ შორის სერგეი ლავროვი და დმიტრი მედვედევმა დღეს განაცხადეს, რომ ნატოს წევრი ქვეყნების ჯარების განლაგება უკრაინაში კატეგორიულად მიუღებელია.