ახალი ამბები

 

თანხები შემდეგნაირად განაწილდება: $27 მილიარდი - პირდაპირი სამხედრო დახმარება; $23 მილიარდი - ამერიკის სამხედრო არსენალების შევსება; $7.8 მილიარდი - პირდაპირი საბიუჯეტო დახმარება; $1.8 მილიარდი  - ეკონომიკის პრიორიტეტული სექტორებისთვის. 

 

ჯო ბაიდენის ადმინისტრაციის მიერ წარდგენილი ტაივანის, უკრაინისა და ისრაელის დახმარების აქტი სენატმა, ჯერ კიდევ თებერვალში დაამტკიცა, თუმცა პაკეტის მიღება ამ დრომდე იზოლაციონისტი რესპუბლიკელების პოზიციის გამო გაჭიანურდა. 

 

ტრამპისტული ბანაკის წევრი რესპუბლიკელები უკრაინის დახმარების გაგრძელების სანაცვლოდ თეთრი სახლისგან საემიგრაციო პოლიტიკის გამკაცრებას ითხოვდნენ, თუმცა კომპრომისის მიუხედავად კონსენსუსი ამ დრომდე ვერ შედგა. 

 

წინა პაკეტებისგან განსხვავებით, ამჯერად უკრაინის დახმარების პაკეტი გრძელვადიანი კრედიტების სახეს იღებს, რომელთა უზრუნველსაყოფად რუსეთის გაყინული აქტივები იქნება გამოყენებული.

 

უკრაინაში რუსეთის სრულმასშტაბიანი შეჭრის დაწყების დღიდან აშშ-მ უკრაინას ჯამურად 75 მილიარდი დოლარის დახმარება გაუწია. ამერიკა უკრაინას უმსხვილესი დონორი სახელმწიფოა. 

 

ცოტა ხნის წინ PBS-სთან ინტერვიუში ვოლოდიმირ ზელენსკიმ განაცხადა, რომ ამერიკული დახმარების გარეშე უკრაინას ომში გამარჯვების შანსი არ აქვს. 

 

ვრცლად თემაზე გადადით ბმულზე- https://tinyurl.com/33s2j6c8