ახალი ამბები

დღეს დილით ირანზე განხორციელებული ისრაელის პირველი დარტყმების სამიზნე ირანის რეჟიმის 30-მდე საკვანძო ლიდერი და სამხედრო მეთაური იყო, უზენაესი ლიდერის, ალი ხამენეის ხელმძღვანელობით.

ვითარების არსი: ისრაელის მთავრობის წარმომადგენლებზე დაყრდნობით ვრცელდება ინფორმაცია, რომ ხამენეი, სავარაუდოდ, მოკლულია. ეს მიიჩნევა პირველ შემთხვევად, როდესაც ისრაელმა პირდაპირ სცადა სუვერენული სახელმწიფოს მოქმედი მეთაურის ლიკვიდაცია.

• ირანის საგარეო საქმეთა მინისტრმა, აბას არაღჩიმ განაცხადა, რომ "რამდენადაც მისთვის ცნობილია," ხამენეი ცოცხალია.
• "მე-12 არხის" დაუდასტურებელი ინფორმაციით, ისრაელმა, აშშ-სთან კოორდინაციით, ხამენეის რეზიდენციაში დაახლოებით 30 ბომბი ჩამოაგდო. გავრცელებული ცნობით, ხამენეი იმ დროს მიწისქვეშ იმყოფებოდა, თუმცა არა იმ ორ ყველაზე ღრმა ბუნკერში, რომელთა გარღვევაც მხოლოდ ამერიკულ ბომბებს შეუძლია.
• ტელევიზიის ცნობით, ასევე დაღუპულია ხამენეის სამხედრო მდივანი და ოჯახის რამდენიმე წევრი. თანამგზავრულმა ფოტოებმა აჩვენა, რომ კომპლექსი დიდწილად განადგურებულია.

ჩაშლილად: მანამდე "ჰეზბოლა" იმუქრებოდა, რომ საბრძოლო მოქმედებებში ჩაერთვებოდა, თუ ხამენეი თავდასხმის სამიზნე გახდებოდა.

• ისრაელის საზოგადოებრივი მაუწყებელი Kan იუწყება, რომ არსებობს ნიშნები, რომელთა მიხედვითაც ხამენეის ვაჟი, მოჯთაბა ხამენეი, რომელსაც ბევრი მამის მემკვიდრედ მოიაზრებდა, ასევე მოკლულია.
• ისრაელის წყაროების ცნობით, დარტყმების შედეგად დაიღუპნენ ისლამური რევოლუციის გუშაგთა კორპუსის სარდალი, გენერალი მოჰამედ პაკპური და ირანის თავდაცვის მინისტრი აზიზ ნასირზადე.
• სამიზნეებს შორის იყვნენ პრეზიდენტი მასუდ ფეზეშქიანი და ირანის დაზვერვის ხელმძღვანელებიც.

დიდი სურათი: გარდა ამისა, "მე-12 არხი" იუწყება, რომ სამიზნეები იყვნნე ირანის არმიის სარდალი სეიდ აბდოლრაჰიმ მუსავი და ხამენეის ერთ-ერთი მთავარი პოტენციური მემკვიდრე, ალი ლარიჯანი - ირანის უზენაესი ეროვნული უსაფრთხოების საბჭოს მდივანი.

• სამიზნეებს შორის იყო ასევე ალი შამხანი, რევოლუციის გუშაგთა კორპუსის სამხედრო-საზღვაო ფლოტის ყოფილი მეთაური. Iran International-ის დაუდასტურებელი ინფორმაციით, იგი მოკლულია.
• ისრაელი მას გასული წლის ივნისის ომშიც დაესხა თავს და თავდაპირველად მიიჩნევდა, რომ მისი ლიკვიდაცია მოახერხა.
• ასევე, სამიზნეებს შორის იყვნენ ესმაილ ყაანი - რევოლუციის გუშაგთა კორპუსის "ალ-ყუდსის" ძალების მეთაური და მაჯიდ მუსავი - გუშაგების სამხედრო-საჰაერო ძალების უფროსი, რომელიც ირანის ბალისტიკური რაკეტების შეტევებს კურირებს.

კონტექსტი: ჯამში, ისრაელის პირველი დარტყმების სამიზნე რეჟიმის 30-მდე საკვანძო ლიდერი და სამხედრო მეთაური გახდა.