ახალი ამბები

გერმანიის კანცლერმა ფრიდრიხ მერცმა განაცხადა, რომ რუსეთის პრეზიდენტი ვლადიმირ პუტინი თავის აგრესიულ საგარეო პოლიტიკას არ შეწყვეტს და უკრაინაზე არ გაჩერდება.

ვითარების არსი: მერცმა აღნიშნა, რომ პუტინი დაინტერესებულია "ევროპაში საზღვრების ფუნდამენტური ცვლილებით" და საბჭოთა კავშირის მის ყოფილ საზღვრებში აღდგენით.

• მისი თქმით, ეს "უზარმაზარ საფრთხეს წარმოადგენს, მათ შორის სამხედროსაც, იმ ქვეყნებისთვის, რომლებიც ოდესღაც ამ იმპერიის ნაწილი იყვნენ."
• "პუტინი არ გაჩერდება. და თუ უკრაინა დაეცემა, ის არ შეჩერდება," - ხაზი გაუსვა კანცლერმა.
• მერცმა განაცხადა, რომ სწორედ ამიტომ, უკრაინის შემდგომი დახმარება და ევროპის ერთიანობა ბრიტანეთთან სტრატეგიულ თანამშრომლობაში საგარეო და უსაფრთხოების პოლიტიკის პრიორიტეტებია. ასევე მნიშვნელოვანია "ნატოს შენარჩუნება რაც შეიძლება დიდხანს," რომლის ეფექტურობაც უკვე არაერთხელ დააყენა ეჭვქვეშ აშშ-ის პრეზიდენტმა დონალდ ტრამპმა.

დიდი სურათი: რუსეთის მიმართ პოლიტიკის თვალსაზრისით, მერცის აზრით, 1914 წელს რამდენიმე სახელმწიფოს ნაჩქარევი ჩართვა პირველ მსოფლიო ომში არასწორი ისტორიული ანალოგიაა.

• "ალბათ, უფრო სწორი იქნებოდა 1938 წლის გამოყენება ისტორიულ ანალოგიად," — აღნიშნა მერცმა.
• მისი თქმით, მიუნხენის შეთანხმების შემდეგ ადოლფ ჰიტლერმა დაინახა, რომ მისი იმპერიული ექსპანსიონისტური ამბიციები ძლიერდებოდა ევროპული სახელმწიფოების დაშოშმინების პოლიტიკით და ერთი წლის შემდეგ მეორე მსოფლიო ომი დაიწყო.