ახალი ამბები

საბერძნეთის განმეორებით საპარლამენტო არჩევნებში, მმართველმა პატიამ, ახალმა დემოკრატიამ გაიმარჯვა.

პრემიერ-მინისტრ კირიაკოს მიცოტაკისის მემარჯვენე-ცენტრისტულმა პარტიამ ხმების 40.5% მიიღო და 300 საპარლამენტო მანდატიდან 158-ით უმრავლესობა გაინაღდა.

მეორე ადგილზე მიცოტაკისის წინამორბედის, ალექსის ციფრასის მემარცხენე პარტია, სირიზა გავიდა 17.84%-ით.

საბერძნეთში ხელახალი არჩევნები იმიტომ ჩატარდა, რომ მაისში გამართულ არჩევნებში უმრავლესობა ვერცერთმა პარტიამ მოიპოვა.

ასეთ შემთხვევაში, საბერძნეთის საარჩევნო კანონმდებლობა განმეორებით არჩევნებში პირველ ადგილზე გასულ პარტიას დიდ უპირატესობას აძლევს. ამგვარად, მოქმედი პრემიერ-მინისტრის პარტიამ დამატებით 50 საპარლამენტო მანდატი მიიღო, რამაც ერთპარტიული უმრავლესობა უზრუნველყო.

კირიაკოს მიცოტაკისი თანამემამულეებს გადასახადების შემცირებას, ჯანდაცვისა და განათლების სისტემების გაუმჯობესებას ჰპირდება.