ახალი ამბები

საფრანგეთში სოცმედიის ასაკობრივი აკრძალვის შემდეგ, რიგ ევროპულ ქვეყნებში დაიწყო მსგავს კანონებზე მუშაობა და განხილვა.

ჩაშლილად: 27 იანვარს საფრანგეთის ეროვნულმა ასამბლეამ კანონი მიიღო, რომელიც 15 წლამდე ასაკის ბავშვებს სოციალური მედიის მოხმარებას უკრძალავს.

• სოცმედიის ასაკობრივი შეზღუდვის საკითხში საფრანგეთი ინოვატორი არ არის, პირველად მსგავსი კანონი 2025 წლის მიწურულს ავსტრალიამ მიიღო, თუმცა საფრანგეთის მაგალითი აიღო რამდენიმე ევროპულმა ქვეყანამ.
  
  
• საფრანგეთში კანონის მიღების შემდეგ მცირე დროში ესპანეთის პრემიერმინისტრმა, პედრო სანჩესმა განაცხადა, რომ აუცილებელია ბავშვების დაცვა "ციფრული ველური დასავლეთისგან".
  
  
• ესპანეთში მინისტრთა საბჭომ 16 წლამდე სოციალური მედიის მოხმარების კანონს განიხილავს.
  
  
• დანია მიმდინარე წლის დასრულებამდე 15 წლამდე ასაკის ბავშვებს სოცმედიის გამოყენებას შეუზღუდავს.
  
  
• იტალიის პარლამენტი ასევე მუშაობს კანონპროექტზე, რომელიც 15 წლამდე ე.წ. ინფლუესერებს შეუზღუდავს სოცქსელებში საქმიანობას.
  
  
• მსგავს კანონებზე ასევე მიდის მუშაობა გაერთიანებულ სამეფოში, პორტუგალიაში, ავსტრიასა და საბერძნეთში.

ფართო ხედით: ბავშვებისთვის სოცმედიის შეზღუდვის მთავარ მიზეზად ექსპერტები ჯანმრთელობას ასახელებენ.

• არაერთი კვლევის თანახმად, მრავალი საათის განმავლობაში სოცქსელებში აქტივობა ახალგაზრდებში ტვინის მუშაობის რიტმის ცვლილებას იწვევს, რასაც რიგ შემთხვევებში შფოთვითი აშლილობა და სხვა ჯანმრთელობის პრობლემები მოსდევს.
  
  
• ევროკავშირის საკანონმდებლო ორგანოებში უკვე დაწყებული საუბარი საერთო კანონის მიღებაზე, რომელიც ბავშვებს სოცმედიასთან წვდომას შეუზღუდავს. 
  
  
• ინიციატივას მხარს უჭერს ევროკომისიის პრეზიდენტი ურსულა ფონ დერ ლაიენი.