ახალი ამბები

რუსეთისა და უკრაინას შორის წლის ყველაზე მასშტაბური ტყვეთა გაცვლის პირველი ეტაპი შედგა, რომელზეც მხარეები 16 მაისს, სტამბოლში გამართულ შეხვედრაზე შეთანხმდნენ. 

State Of Play: უკრაინაში დაბრუნდა 390 მოქალაქე, მათ შორის 270 სამხედრო პირია, ხოლო 120 სამოქალაქო. რუსეთმა გაცვლის შედეგად 300 სამხედრო პირი დაიბრუნა, 100 კი კურსკის ოლქიდან უკრაინული არმიის მიერ გაყვანილი სამოქალაქო პირია. 

• გაცვლის შესახებ პირველად ამერიკელმა პრეზიდენტმა დაწერა, მოგვიანებით ტრამპის შეტყობინება დაადასტურა რუსეთის თავდაცვის სამინისტრომ და უკრაინის გენშტაბმა. 
  
  
• შეთანხმების მიხედვით მხარეებმა ჯამურად 1000 ტყვე უნდა გაცვალონ, რაც წლის განმავლობაში ყველაზე მასშტაბური იქნება. 

Context: უკრაინის საკოორდინაციო შტაბის ცნობით, გაცვლის მორიგი ეტაპები 24 და 25 მაისს იგეგმება. 

• 1000x1000 გაცვლა სტამბულში გამართული შეხვედრის ერთადერთი ხელშესახები შედეგი იყო, რადგანაც რუსეთმა კიდევ ერთხელ თქვა უარი ცეცხლის 30 დღით შეწყვეტაზე.