ახალი ამბები

დონალდ ტრამპმა პირობა დადო, რომ სამშვიდობო შეთანხმების შემთხვევაში უკრაინაში სახმელეთო ჯარებს გაგზავნის - მისი თქმით, შესაძლოა საუბარი იყოს შეერთებული შტატების საჰაერო ძალების ჩართულობაზე. 

State Of Play: ამის შესახებ ამერიკის პრეზიდენტმა Fox News-ისთვის მიცემულ ინტერვიუში განაცხადა - ინტერვიუს წინ უძღოდა ევროპელ ლიდერებთან გამართული მრავალმხრივი შეხვედრა თეთრ სახლში. 

• "გაძლევთ სიტყვას, პრეზიდენტის პირობას, რომ ასე იქნება, მე უბრალოდ ვცდილობ ხალხის ხოცვა შევაჩერო"- ასე უპასუხა ტრამპმა ჟურნალისტის კითხვას, თუ რა გარანტიები არსებობს, რომ ცეცხლის შეწყვეტის შემდეგ ამერიკელ ჯარისკაცებს უკრაინაში არ გაგზავნიან. 
  
  
• ამასთანავე, ტრამპი ამბობს, რომ შტატები მიიღებენ მონაწილეობას უკრაინის უსაფრთხოების გარანტიებში. 
  
  
• მისი თქმით, არის ნიშნები, რომ ზელენსკი და პუტინი "უკეთ უგებენ" ერთმანეთს და გაიმეორა, რომ ორმხრივი შეხვედრის შემდეგ მზად არის რუსეთისა და უკრაინის პრეზიდენტებთან სამმხრივ შეხვედრას უმასპინძლოს. 
  
  

Big Picture: უკრაინის უსაფრთხოების გარანტიები ვაშინგტონში გამართული მრავალმხირივი შეხვედრის მთავარი თემა გახდა - გასულ დღეებში ამერიკელმა პრეზიდენტმა პირველად გამოთქვა საჯარო მზაობა ჩართოს ქვეყანა უკრაინის უსაფრთხოების უზრუნველყოფის პროცესში. 

• ტრამპის თქმით, ევროპული სახელმწიფოები მზად არიან უკრაინაში სახმელეთო ჯარები განალაგონ - "ჩვენ მზად ვართ დავეხმაროთ მათ გარკვეულ ასპექტებში, განსაკუთრებით ჰაერში, იმიტომ რომ მსოფლიოში არავის აქვს ჩვენი მსგავსი შესაძლებლობები." 

Сontext: Bloomberg-ის ცნობით, რუსეთთან სამშვიდობო შეთანხმების შემთხვევაში უკრაინაში სამშვიდობო დანაყოფების გაგზავნისთვის ათამდე ქვეყანაა მზად, მათ შორის არიან: საფრანგეთი, დიდი ბრიტანეთი, თურქეთი, გერმანია.

• დასავლური მედიის ცნობით, სწორედ ევროპული სამშვიდობო კონტინგენტების ლოჯისტიკური მხარდაჭერა და საჰაერო დაზღვევა იქნება შეერთებული შტატების საჰაერო ძალების მთავარი ფუნქცია. 
  
  

Zoom In: საუბარია ჩრდილო-ატლანტიკური ხელშეკრულების მეხუთე მუხლის მსგავს გარანტიებზე, რომელსაც ტრამპისა და მისი ადმინისტრაციის მაღალჩინოსნების ცნობით, რუსეთი ალასკაში გამართულ შეხვედრაზე უკვე დათანმხდა. 

• ამის მიუხედევად, რუსი მაღალჩინოსნები დღემდე საჯაროდ აცხადებენ, რომ ნატოს წევრი ქვეყნების ჯარების განლაგება უკრაინაში კატეგორიულად მიუღებელია.