ახალი ამბები

რუსეთში 10 წლის განმავლობაში პირველად ფერმერებმა საპროტესტო აქცია მოაწყვეს.

ჩაშლილად: ნოვოსიბირსკის ოლქში უკვე რამდენიმე დღეა ფერმერების საპროტესტო აქცია გრძელდება.

• მოსახლეობის უკმაყოფილება ადგილობრივი ვეტერინარული სამსახურის გადაწყვეტილებამ გამოიწვია.
  
  
• ვეტერინარული სამსახურის თქმით, რეგიონში პასტერელეზის ეპიდემიაა, რის გამოც აუცილებელია დაავადებული მსხვილი რქოსანი საქონლის განადგურება.
  
  
• ადგილობრივების თქმით, რეგიონის ადმინისტრაციას სასაკლაოზე ჯანმრთელი ცხოველები მიჰყავთ.

ახლო ხედით: დაავადების პირველი კერები მიმდინარე წლის თებერვალში გაჩნდა, მარტში სახელმწიფო სტრუქტურებმა კერძო ფერმების ნაწილში კარანტინი გამოაცხადეს და საქონელის ნაწილი სასაკლაოზე წაიყვანეს.

• საპროტესტო მოძრაობის ცენტრი სოფელი კოზიხა გახდა. მოსახლეობამ ვიდეოები გამოაქვეყნა, რომელშიც ამტკიცებს, რომ საქონელი დაავადებული არ არის.
  
  
• სოფლის მოსახლეობამ საქონლის სასაკლაოზე მიმავალ ტრაქტორს გადაუკეტა გზა. საპასუხოდ, ადგილზე სამართალდამცავები მოვიდნენ, ისინი აქციის მონაწილეებს დაშლით დაემუქრნენ. საბოლოოდ პოლიციამ ერთი ადამიანი დააკავა, რომელიც პატიმრობიდან მეორე დღეს გამოუშვა.
  
  
• მეორე დღეს შინაგან საქმეთა სამინისტროს თანამშრომლებმა აქციის მონაწილეებს სასამართლო ორდერები გადასცეს. ორდერებში წერია, რომ მანიფესტაცია უკანონოა.
  
  
• პროტესტი იზრდება, 2 დღეში კოზიხას მომიტინგეებს კიდევ ოთხი სოფლის მოსახლეობა შეუერთდა.

დიდი სურათი: რუსეთში ფერმერების უკანასკნელი მსხვილი საპროტესტო აქციები 2016 წელს გაიმართა.

• მაშინ კრასნოდარის მხარის ფერმერებმა ტრაქტორებით მარში მოაწყვეს.
  
  
• ფერმერები კორუფციას და ხელისუფლების წარმომადგენლების მიერ ადგილობრივი მოსახლეობის მოტყუების ფაქტებს აპროტესტებდნენ.
  
  
• 17 ტრაქტორისგან შემდგარი კოლონა როსტოვის მიმართულებით დაიძრა. როსტოვის ოლქში ფერმერებს გზა გადაუკეტეს, ხოლო მარშის მონაწილე 40-ვე ადამიანი დააკავეს, მოგვიანებით 16 მომიტინგე გაასამართლეს და ფულადი ჯარიმები დაუწესეს.