ახალი ამბები

შეერთებული შტატების სენატში გადაიდო ლინდსი გრემის მიერ წარდგენილი სანქციების კანონპროექტის მიღება, რომელიც რუსული ნავთობპროდუქტების შემსყიდველებისთვის 500%-იანი ტარიფების დაწესებას ითვალისწინებს. 

State Of Play: ინფორმაციას ამის შესახებ გამოცემა Semafor ავრცელებს - აქტის განხილვისა და მიღების გადადების მიზეზი ირან-ისრაელს შორის მიმდინარე მოვლენები და სენატის გადატვირთული გრაფიკია, რომელმაც მომდევნო კვირაში ტრამპის დიდი საგადასახადო კანონი უნდა განიხილოს. 

• "ივლისი რუსეთის სანქცირების ახალი აქტის მისაღებად ყველაზე სავარაუდო დროა, ჩვენ მზად ვართ გადაწყვეტილების მისაღებად და ადმინისტრაციასთან კოორდინირებულად მოქმედებისთვის"- ამბობს სენატში რესპუბლიკური უმრავლესობის ლიდერი, ჯონ თუნი. 
  
  
• აქტის ინიციატორის, ლინდი გრემის თქმით, "სენატს ცოხა ხნით მოცდა მოუწევს", რადგანაც ამჟამად მთელი ყურადღება ირან-ისრაელის კონფლიქტს ეთმობა - "მაგრამ ეს უფრო ადრე მოხდება, ვიდრე გვიან"- ამბობს სენატორი. 

Big Picture: მას შემდეგ, რაც უკრაინის სამხედრო დახმარების გაგრძელების საკითხმა რესპუბლიკური პარტია ორად გაყო, რუსეთზე სასანქციო წნეხის გაზრდის მოწოდება პარტიისთვის გამაერთიანებელი პლატფორმა გახდა - თუმცა ბევრი მათგანი, მოქმედებისთვის სიგნალს თეთრი სახლის ადმინისტრაციისგან ელოდება. 

• კრემლის მიერ ტრამპის ინიცირებული სამშვიდობო პროცესის გაჭიანურებისა და ვლადიმირ პუტინის მოთხოვნების ფონზე ვაშინგტონში რუსეთზე წნეხის გაზრდის მოწოდებები შესამჩნევად გაიზარდა. 
  
  
• ახალ სანქციების დაწესებაზე პერიოდულად მიანიშნებს პრეზიდენტი ტრამპიც, თუმცა მისი გზავნილები ამ საკითხზე არათანმიმდევრული და ხშირად წინააღმდეგობრივია. 
  
  

Сontext: Semafor-თან საუბარში დონალდ ტრამპის პირველი საპრეზიდენტო ვადის მაღალჩინოსანი ამბობს, რომ ახლო აღმოსავლეთში განვითარებული მოვლენები კიდევ უფრო გააძლიერებს იმ ხმებს პრეზიდენტის გარემოცვაში, რომლებიც ევროპის საქმეებში ვაშინგტონის ჩართულობის მკვეთრ შემცირებას ითხოვენ.