ახალი ამბები

დონალდ ტრამპის თქმით, ე.წ. გარდამავალ პერიოდში ვენესუელას მართვას შეერთებული შტატები გადაიბარებს - ამასთანავე ამერიკელ პრეზიდენტს არ დაუკონკრეტებია თუ კონკრეტულად რა სამართლებრივ ფორმაზეა საუბარი ან რამდენი ხანი გაგრძელდება საგარეო მართვა. 

ვითარების არსი: ამის შესახებ დონალდ ტრამპმა მარ-ა-ლაგოს რეზიდენციაში გამართულ პრეს-კონფერენციაზე განაცხადა. 

• "ჩვენ იქ ვართ და იქ დავრჩებით, სანამ არ მოხდება ძალაუფლების ნამდვილი გადაცემა, არსობრივად ჩვენ გადავიბარებთ ქვეყნის მართვას"- განაცხადა ტრამპმა. 
  
  
• ტრამპს არ დაუსახელებია კონკრეტული ვადები - "ჩვენ გადავიბარებთ მართვას, სანამ არ შევძლებთ ძალაუფლების უსაფრთხო, შესაბამის და სამართლებრივ ტრანზიტს." 
  
  
• ჟურნალისტის დამაზუსტებელ კითხვაზე იგულისხმება თუ არა ქვეყანაში სახმელეთო ჯარების განლაგება, ტრამპმა პირდაპირი პასუხი არ გასცა, თუმცა ხაზი გაუსვა, რომ საჭიროების შემთხვევაში ასეთ გადაწყვეტილებას არ მოერიდება. 

ჩაშლილად: ამასთანავე ტრამპმა გამოაცხადა, რომ ვაშინგტონი მზად არის განმეორებითი დარტყმისთვის. 

• ამერიკელი პრეზიდენტის თქმით, უკვე მომდევნო დღეებიდან ამერიკული კომპანიები დაკავდებიან ქვეყნის სანავთობო ინფრასტრუქტურის აღდგენით - "ჩვენ გავამდიდრებთ ვენესუელელ ხალხს, ვუზრუნველყოფთ მათ დამოუკიდებლობას და უსაფრთხოებას."