ახალი ამბები

ამერიკის შეერთებული შტატების პრეზდენტის თქმით, ჰამასი და ისრაელი მისი სამშვიდობო გეგმის პირველ ნაწილს დათანხმდნენ და მომდევნო კვირიდან დაიწყება ისრაელელი მძევლების გათავისუფლება. 

ვითარების არსი: ამის შესახებ დონალდ ტრამპი საკუთარ სოციალურ ქსელში (Truth) წერს.

• "ძალიან ამაყი ვარ გაცნობოთ, რომ ჰამასმა და ისრაელმა უკვე მოაწერეს ხელი სამშვიდობო გეგმის პირველ ფაზას. ეს ნიშნავს, რომ თითოეული მძევალი ძალიან მალე გათავისუფლდება, ხოლო ისრაელი გაიყვანს ჯარებს წინასწარ შეთანხმებულ პოზიციებზე"- წერს ტრამპი. 
  
  
• ამერიკელი პრეზიდენტის თქმით, დღევანდელი შეთანხმება "ქმედითი და გრძელვადიანი მშვიდობისკენ გადადგმული პირველი ნაბიჯია". ტრამპი მადლობას უხდის მედიატორებს კატარიდან, ეგვიპტიდან და თურქეთიდან. 
  
  
• "კურხეულ იყვნენ მშვიდობისმყოფელნი"- წერს ამერიკელი პრეზიდენტი. 

სტრიქონებს შორის: შეთანხმების გამოცხადებამდე ცოტა ხნით ადრე ტრამპმა განაცხადა, რომ მოლაპარაკებები პროგრესს აღწევდა და შესაძლო იყო, საბოლოო ხელმოწერისთვის თავად ჩასულიყო ეგვიპტეში.

• გასული 24 საათის განმავლობაში, ეგვიპტეში მიმდინარე მოლაპარაკებებს შეუერთდნენ ტრამპის სპეციალური წარმომადგენელი ახლო აღმოსავლეთის საკითხებში - სტივ უიტკოფი და მისი სიძე, ჯარედ კუშნერი.

• წყაროების ცნობით, მძევლების გათავისუფლება მომდევნო კვირიდან უნდა დაიწყოს.

კონტექსტი: ტრამპის მიერ შემუშავებული 21-პუნქტიანი სამშვიდობო გეგმის პირველი ფაზა მოიცავს მძევლების გათავისუფლებას, ისრაელის არმიის ნაწილობრივ გაყვანას სექტორიდან და ცეცხლის შეწყვეტის მექანიზმის ამოქმედებას.

• სავარაუდოდ, გეგმის უფრო რთული პუნქტები - მათ შორის ჰამასის განიარაღება და სექტორის მომავალი ადმინისტრაციის ჩამოყალიბება - მოლაპარაკებების შემდეგ ეტაპზე, უფრო ფართო რეგიონული ფორმატით განიხილება.