ახალი ამბები

ქვეყანაში გამართული ხალხმრავალი საპროტესტო აქციების, საგარეო პარტნიორებისა და სამოქალაქო საზოგადოების კრიტიკის ფონზე უკრაინის პრეზიდენტი ანტი-კორუფციული უწყებების საქმიანობის შესახებ ახალი კანონი დააანონსა. 

State Of Play: უკმაყოფილება მოჰყვა რადას მიერ 22 ივლისს მიღებულ კანონს, რომელშიც ნაჩქარევად და განხილვის გარეშე შეიტანეს ცვლილებები ეროვნული ანტი-კორუფციული ბიუროსა და სპეციალიზებული ანტი-კორუფციული პროკურატურის საქმიანობის შესახებ - კანონს ხელი ზელენსკიმ რამდენიმე საათში მოაწერა. 

• ცვლილებების მოწინააღმდეგები მიუთითებენ, რომ ცვლილებების შედეგად დამოუკიდებელი ანტი-კორუფციული უწყებები პრაქტიკულად პრეზიდენტის მიერ დანიშნული გენერალური პროკურორის დაქვემდებარებაში გადადის. 
  
  
• თავის მხრივ პრეზიდენტის ოფისში ამბობენ, ცვლილებების აუცილებლობას აღნიშნულ უწყებებზე რუსული გავლენების შემცირებისა და მათი სასურველზე დაბალი ეფექტურობით ხსნიან. 
  
  

What They Say: "ცხადია, ყველას გვესმის რაზე საუბრობენ სოციალურ ქსელებსა და რას განიხილავენ ქუჩებში ჩვენი თანამოქალაქეები. ეს არ არის ფუჭი. ჩვენ გავაანალიზეთ ყველა რისკი და ყველა ასპექტი, თუ კონკრეტულად რა ცვლილებებია საჭირო"- განაცხადა ზელენსკიმ. 

• ზელენსკის თქმით, უახლოესი 2 კვირის განმავლობაში პრეზიდენტის ოფისი რადას ახალ კანონს წარუდგენს, რომელშიც გარანტირებული იქნება ანტი-კორუფციული უწყებების დამოუკიდებლობა და ნეიტრალიზებული იქნება რუსეთის გავლენა. 
  
  
• "ეს იქნება საპრეზიდენტო კანონი და მას ქვეყნის ტრანსფორმაციის სტრატეგიის ფარგლებში ავამოქმედებთ"- ამბობს ზელენსკი. 
  
  

Big Picture: ზელენსკის კომენტარს წინ უძღოდა საგანგებო შეხვედრა ყველა ანტი-კორუფციული უწყებისა და ძალოვანი უწყების ხელმძღვანელებთან პრეზიდენტის ოფისში. ზელენსკის თქმით, შეხვედრა გულწრფელი და სასარგებლო იყო. 

• სავარაუდოა, რომ ახალი კანონპროექტი ანტი-კორუფციული და ძალოვანი უწყებების ერთობლივი მუშაობით შეიქმნება. 
  
  

Go Deeper: რადამ შეამცირა ანტი-კორუფციული უწყებების დამოუკიდებლობა - რა ხდება უკრაინაში