ახალი ამბები

უკრაინის შეიარაღებული ძალების კონტრიერიშის დაწყების შემდეგ, რუსეთმა უფრო მეტი ტანკი და სხვა ტიპის ჯავშანტექნიკა დაკარგა, ვიდრე უკრაინამ. 

ამაზე შესახებ ანალიტიკური ცენტრის ORYX-ის მონაცემები მეტყველებს, რომელიც ბრძოლის ველზე მხარეების დანაკარგებს ითვლის. ორგანიზაცია ღია წყაროებს იყენებს და ძირითადად დანაკარგების ამსახველ ვიდეო და ფოტო მასალი ვერიფიკაციას ეყრდნობა. 

ჰოლანდიური ორგანიზაციის მონაცემებით 4 ივნისიდან მოყოლებული რუსეთის დანაკარგები ტექნიკაში უკრაინასას აღემატება. რუსეთის თავდაცვის სამინისტროს მონაცემებით სწორედ ამ დღეს დაიწყო უკრაინის კონტრშეტევა. 

გასული კვირის განმავლობაში ვლადიმირ პუტინი და რუსი Z-ბლოგერები რადიკალურად განსხვავებულ მაჩვენებლებს აჟღერებდნენ - პუტინის თქმით, უკრაინის დანაკარგება ათჯერ აღემატება რუსეთისას. 

განსხვავებულ სურათს იძლევა დამოუკიდებელი წყაროები, რომლის მიხედვითაც უკრაინამ უკანასკნელი 10 დღის განმავლობაში სულ 19 სხვადასხვა ტიპის ტანკი დაკარგა, მათ შორისაა 4 გერმანული Leopard 2, ხოლო დარჩენილი 15 საბჭოთა წარმოების ტანკებია. 

ვლადიმირ პუტინის თქმით, დროის იმავე პერიოდში რუსეთის დანაკარგი 54 ტანკია. 

ORYX-ის მონაცემებით, რუსეთის დანაკარგები აჭარბებს უკრაინისას ჯავშანტექნიკაშიც. კერძოდ, 4 ივნისიდან რუსეთმა სულ 16 საბრძოლო დაკავშნული მანქანა დაკარგა, უკრაინამ 5, მათ შორის 2 ფრანგული წარმოების AMX-10-RC. 

რუსეთისა და უკრაინის დანაკარგები თანაბარია ქვეითთა საბრძოლო მანქანებში - ორივე მხარემ უკანასკნელი 10 დღის განმავლობაში 23-23 მანქანა დაკარგეს.