ახალი ამბები

სენატორ ლინდსი გრემის თქმით, დონალდ ტრამპმა მხარი დაუჭირა რუსეთისთვის ახალი სანქციების მიღებას, რომელიც უკვე რეგისტრირებულია სენატში და აქვს საკმარისი მხარდაჭერა. 

State Of Play: ამის შესახებ რესპუბლიკელმა სენატორმა ტელეარხმა ABC-ისთან საუბარში განაცხადა - გრემმა დაასახელა თარიღიც, როდესაც შესაძლოა ახალი კანონი მიიღონ. 

• ლინდი გრემის თქმით, კანონპროექტის საკითხზე "დიდი გარღვევაა" და 28 ივნისს გოლფის თამაშის დროს პრეზიდენტმა უთხრა, რომ "მოქმედების დრო მოვიდა." 
  
  
• რესპუბლიკელი სენატორის თქმით, სენატი რუსეთის ენერგეტიკული სექტორის წინააღმდეგ სანქციების კანონპროექტს ივლისის შესვენებიდან დაბრუნების შემდეგ, 7 ივლისს მიიღებს. 
  
  
  
• "სრულად დარწმუნებული ვარ პრეზიდენტი ხელს მოაწერს მიღებულ კანონს"- ამბობს სენატორი.

Big Picture: საუბარია ლინდსი გრემია და მისი დემოკრატი კოლეგის, რიჩარდ ბლუმენტალის ინიციატივაზე, რომელიც რუსული ენერგომატარებლების შემსყიდველებისთვის 500%-იანი საბაჟო ტარიფების დაწესებას ითვალისწინებს. 

• გრემის თქმით, ინიციატივას მხარს უჭერს 84 სენატორი. 
  
  
• სენატორი ამბობს, რომ კანონი მისცემს საშუალებას პრეზიდენტს დაუწესოს 500%-იანი ტარიფები მათ შორის, ჩინეთსაც და ინდოეთსაც, რათა აიძულოს ეს ქვეყნები უარი თქვან "რუსეთის სამხედრო მანქანის მხარდაჭერაზე." 
  
  
• ამერიკული მედიის ინფორმაციით, ინიციატივას საკმარისი მხარდამჭერი ჰყავს კონგრესშიც, თუმცა აქტის რეგისტრირების შემდეგ ქვედა პალატაში პროცესი გაჩერებულია. 
  
  

Сontext: ამერიკელმა სენატორებმა გასულ კვირებში არაერთხელ განაცხადეს აქტის მიღების მზაობის შესახებ, თუმცა რესპუბლიკური უმრავლესობის ლიდერის თქმით, ისინი თეთრი სახლისგან შესაბამის სიგნლას ელოდნენ. 

• ლინდსი გრემის ინიციატივა მას შემდეგ დარეგისტრირდა, რაც ვლადიმირ პუტინმა უარი თქვა ამერიკელი პრეზიდენტის ინიციატივაზე 30-დღიანი ზავის შესახებ. 
  
  
• ახალი სანქციების დაწესების შესაძლებლობაზე ტრამპმა საჯაროდაც არაერთხელ განაცხადა, თუმცა ამბობდა, რომ ჯერჯერობით მიაჩნდა, რომ შეთანხმება შესაძლებელია და მაშინ იმოქმედებდა, როდესაც შესაბიმისი დრო დადგებოდა. 
  
  
• სენატორ გრემის თქმით, 500%-იანი ტარიფები არ დაუწესდებათ რუსული ნავთობისა და გაზის იმ შემსყიდველებს, რომლებიც უკრაინას ეხმარებიან.