ისრაელის დაზვერვა ირანის ბირთვული ობიექტების "მნიშვნელოვან დაზიანებებზე" იუწყება
State of Play: ისრაელის სადაზვერვოს სამსახურებს მიაჩნიათ, რომ ამერიკულმა და ებრაულმა ავიაციამ “მძიმე ზიანი” მიაყენეს ირანის ბირთვულ ობიექტებს, იუწყება Axios, მაშინ, როცა CNN-მა, გუშინ, აშშ-ის სადაზვერვო სამსახურის ანგარიშზე დაყრდნობით, საპირისპირო ინფორმაცია გაავრცელა.
- ისვე როგორც აშშ-ს, ასევე ისრაელს არ წარმოუდგენია ბირთვული ობიექტების მდგომარეობის შესახებ საბოლოო ანგარიში.
The other side: განსხვავებული ინფორმაცია გაავრცელა CNN-მა, რომლის მტკიცებითაც, მათ აშშ-ის სამხედრო დაზვერვის შეფასება მოიპოვეს.
- CNN-ის ორმა წყარომ განაცხადა, რომ ირანის გამდიდრებული ურანის მარაგი არ განადგურებულა.
- ტელევიზიის თანახმად, დარტყმებმა, სერიოზულად, მხოლოდ მიწისზედა ნაგებობები დააზიანა - ობიექტების ენერგეტიკული ინფრასტრუქტურა და შენობები, რომლებიც ურანის ბომბის დასამზადებელ მასალად გადასაკეთებლად გამოიყენება.
- ერთ-ერთმა წყარომ განაცხადა, რომ ირანის ცენტრიფუგები დიდწილად "ხელუხლებელი" იყო.
Why it matters: ისრაელის სადაზვერვოს სამსახურების მიერ გავრცელებული ზიანის შეფასება გაცილებით ოპტიმისტურია, ვიდრე ამერიკული სამხედრო დაზვერვისა, რომლის თანახმადაც "აშშ-მა [ირანის ბირთვული პროგრამა - რედ.] შესაძლოა რამდენიმე თვით უკან დახია, მეტი არა”.
- პრეზიდენტი ტრამპი აცხადებს, რომ ირანის ბირთვული პროგრამა "სრულად განადგურდა". ამერიკელმა პრეზიდენტმა CNN-ი და სხვა ტელევიზები, თუ სიანფორმაციო საშუალებები ყალბი ამბების ტირაჟირებაში დაადანაშაულა.
- თეთრი სახლის პრესმდივანმა, ქეროლაინ ლევიტმა დაადასტურა, რომ პენტაგონის სადაზვერვო სააგენტომ მართლაც ჩაატარა ირანზე დარტყმების ზემოქმედების საწყისი შეფასება, მაგრამ თქვა, რომ ეს "აბსოლუტურად არასწორია."
- "ამ სავარაუდო შეფასების გაჟონვა პრეზიდენტ ტრამპის დამცირებისა და იმ მამაცი პილოტების დისკრედიტაციის აშკარა მცდელობაა, რომლებმაც ირანის ბირთვული პროგრამის განადგურების უნაკლო მისია შეასრულეს" - განუცხადა ლევიტმა CNN-ს.
The Big Picture: ისრაელი, რომელის ინიციატივითაც დაიწყო ირანის ბირთვულ ობიექტებზე თავდასხმა, და რომელიც პირდაპირი საფრთხის წინაშე დგას, ვიდრე აშშ-ს, "კმაყოფილია ტრამპის ოპერაციაში ჩართულობითა და ნაადრევი შედეგებით".
- "პროფესიონალურ სამხედრო შეფასებას დრო სჭირდება“ - ამბობს Axio-სთან ებრაელი ოფიციალური პირი.
- აშშ-ის თავდაცვის სადაზვერვო სამსახურის ანგარიში ეფუძნება ადრეულ სადაზვერვო ინფორმაციასა და, ამასთანავე, მხოლოდ ერთ სადაზვერვო სააგენტოს, და ზოგადი სურათი ამ დრომდე ბუნდოვანია.
Behind the scenes: გამოცემას ისრაელელი ოფიციალური პირი ეუბნება, რომ ირანული მხარე ზიანის შეფასებებს ამ დრომდე ატარებს.
- წყაროს თქმით, ისრაელის სპეცსამსახურებმა გადაიჭირეს ირანელი სამხედრო პირების საუბრები და, შესაძლოა, ისინი ზიანის მასშტაბების შესახებ მცდარ ინფორმაციას აწვნიან უმაღლეს პოლიტიკურ ხელმძღვანელობას.
- “ირანელებმა თავად არ იციან, თუ რა დაემართა მათ ზოგიერთ ბირთვულ დაწესებულებებს".
Zoom in: ისრაელელი ოფიციალური პირის თანახმად, ირანის 3 ბირთვულ ობიექტზე "ძალიან მძიმე" იერიშები იქნა მიტანილი.
- ნათანზის - მიწის ზედა გასამდიდრებელი დაწესებულებები მთლიანად განადგურდა, და ჩანს მიწისქვეშა ნაგებობის კოლაფსი, უთხრა წყარომ Axios-ს.
- ფორდოს - აშშ-ის საჰაერო ძალებმა 12 ერთეული 14 ტონიანი ბუნკერ საწინააღმდეგო ბომბი ჩამოყარა [რედ. სტივ უიტკოფის თანახმად], თუმცა, ამ დრომდე უცნობია, მიწისქვექვეშა დაწესებულების მდგომაროება.
- ისპაჰანის - ურანის გადამამუშავებელი დაწესებულება სრულად განადგურდა. ასევე, დაზიანდა ისპაჰანის მიწისქვეშა გვირაბების ქსელიც, მაგრამ მთლიანი სურათი ამ დრომდე ზუსტდება.
- „საეჭვოა, თუ ახლო მომავალში ეს დაწესებულებები აღდგება“ - ამბობს Axios-სთან ისრაელელი ოფიციალური პირი.
The Intrigue: ორი ისრაელელი ოფიციალური პირი ასევე ამბობს, რომ დაზვერვის თანახმად, ირანის 60% და 20%-მდე გამდიდრებული ურანის მარაგი ახლა დამარხულია ისპაჰანისა და ფორდოს ობიექტების ქვეშ, და უცნობია, შეძლებს თუ არა ირანი მათ აღდგენას ახლო მომავალში.
