ახალი ამბები

თვითმმართველი კუნძულის პრეზიდენტი, რომელსაც ჩინეთი თავის განუყოფელ ტერიტორიად მიიჩნევს დონალდ ტრამპისა და სი ძინფინგის შეხვედრას გამოეხმაურა. 

ვითარების არსი: Facebook-ის ოფიციალურ გვერდზე გამოქვეყნებულ პოსტში ლაი ცინ-დე წერს, რომ ტაივანი არ ეკუთვნის და არ ემორჩილება პეკინს. 

• ამავე პოსტში ლაი წერს, რომ ტაივანი სტატუს-კვოს შენარჩუნებას ემხრობა, ხოლო მის შეცვლას ჩინეთი ცდილობს. 
  
  
• პოსტში ლაიმ მადლობა გადაუხადა დონალდ ტრამპს მხარდაჭერისთვის და ხაზი გაუსვა, რომ ამერიკულ შეიარაღებას კუნძულის თავდაცვისუნარიანობისთვის კრიტიკული მნიშვნელობა აქვს. 

წინარეისტორია: დონალდ ტრამპის თქმით, სი ძინფინგისთვის ტაივანი პრიორიტეტული საკითხია და ვიზიტის დიდი ნაწილი სწორედ ამ საკითხზე საუბარს დაუთმო. 

• პეკინიდან დაბრუნების შემდეგ ტრამპმა განაცხადა, რომ მას არ სურს ომში ჩაერთოს 9 ათასი მილის მოშორებით იმის გამო, რომ "ვიღაცამ დამოუკიდებლობის გამოცხადება გადაწყვიტა."
  
  
• ამასთანავე, ტრამპმა აღნიშნა, რომ ჯერჯერობით არ გადაუწყვეტია კონგრესის მიერ შეთანხმებული 14 მილიარდი დოლარის შეირაღების პაკეტის მიყიდვა ტაივანისთვის. 

დიდი სურათი: გასულ კვირებში არაერთი სინოლოგი წერდა, რომ ვიზიტის ფარგლებში სი ძინპინი შეეცდებოდა ტრამპი დაეყოლიებინა ტაივანის მიმართ ამერიკული ოფიციალური ფორმულების ცვლილებაზე. 

• ვიზიტის დასრულების შემდეგ, სახელმწიფო მდივანმა მარკო რუბიომ განაცხადა, რომ ტაივანთან მიმართებით ამერიკის პოლიტიკა არ შეცვლილა. 

სიღრმისეულად: Axios: ტრამპთან შიშობენ, რომ 5 წლის განმავლობაში ჩინეთი ტაივანში შეიჭრება